“திருப்பதி லட்டில் கலப்படமா? – ஏழுமலையானுக்கே அடுக்காது..” – நடிகர் ஆர்யன் ஷாம் கடும் கண்டனம்!

“திருப்பதி ஏழுமலையான் கோவிலில் பக்தர்களுக்கு வழங்கப்படும் பிரசாதமான புகழ் பெற்ற லட்டில் மாமிசத்தின் கொழுப்புகள் கலந்திருக்கு என்ற செய்திகள் பார்த்ததும் மனசுக்குள் பேரிடி விழுந்ததுபோல வேதனையாக இருந்தது. திருப்பதி வெங்கடாஜலபதி ஆசியுடன் அவர்களின் பக்தர்களுக்கு கொடுக்கப்படும் புனிதமான பிரசாதம் லட்டு. அதில் கலப்படம் நடந்தது என்பது தெய்வத்தையே நிந்தித்தது போல் இருக்கிறது” என்கிறார் நடிகர் ஆர்யன் ஷாம்.

திருப்பதி வெங்கடாஜலபதியின் வாழ்க்கை வரலாற்றுப் படமான ‘பிரம்மாண்ட நாயகன்’ படத்தில் திருப்பதி வெங்கடாஜலபதியாக நடித்திருந்தார் நடிகர் ஆர்யன் ஷாம்.

இந்தப் படம் திருமலை திருப்பதி தேவஸ்தானத்தின் நிர்வாகிகளுக்கு திரையிட்டு காட்டப்பட்டது. படத்தைப் பார்த்த அவர்கள் திருப்பதி வெங்கடாஜலபதியாக நடித்திருந்த ஆர்யன் ஷாம் நடிப்பைப் பார்த்து பாராட்டி ஆர்யன் ஷாமிற்கு ‘யூத் சூப்பர் ஸ்டார்’ என்ற பட்டத்தை வழங்கி அதற்கான சான்றிதழும் கொடுத்து கௌரவித்தார்கள்.

இந்த ‘பிரம்மாண்டநாயகன்’ படம் தற்போது யூ டியூப்களில் வெற்றிகரமாக ஓடிக் கொண்டிருக்கிறது.

இந்தப் பிரமாண்ட நாயகன் படத்திற்கு அடுத்து இந்தக் கதைக்கு நேர் எதிர்மறையான கதையாக, நரபலியை கதையம்சமாகக் கொண்ட ‘அந்த நாள்’ என்ற பேய் படத்தில் நடித்திருக்கிறார் ஆர்யன் ஷாம்.

இந்தப் படத்தை தனது சொந்தத் தயாரிப்பு நிறுவனமான கிரீன் மேஜிக் எண்டர்டெயின்மென்ட் நிறுவனத்தின் சார்பில் தானே தயாரித்து, அதில் திகிலூட்டும் நாயகன் கதாபாத்திரத்தையும் ஏற்று நடித்திருக்கிறார் ஆர்யன் ஷாம்.

இப்படி ஓரே நேரத்தில் சாமி படத்திலும், அனைவரையும் பயமுறுத்தும் பேய் படத்திலும் இரண்டுவிதமான மாறுபட்ட கதாபாத்திரங்களில் நடித்து தனது நடிப்பாற்றலை வெளிப்படுத்தியிருக்கிறார் ஆர்யன் ஷாம்.

இந்த ‘அந்த நாள்’ படம் தற்போது பல உலகப் பட விழாக்களில் கலந்து கொண்டு பல விருதுகளைப் பெற்றிருக்கிறது.

குறிப்பாக Cult Movies International Film Festival,Europe film festival Awards, Tagore International film festival , London film festival, Medusa Film Festival, world film Carnival Singapore Awards , New York movie Awards, American golden picture International Film Festival, இப்படி உலக நாடுகளில் நடந்த பல்வேறு film festival-களில் கலந்து கொண்டு பல விருதுகளைப் பெற்றுள்ளது யூத் சூப்பர் ஸ்டார் ஆர்யன் ஷாம் நடித்த ‘அந்த நாள்’ படம்.

‘அந்த நாள்’ திரைப்படம் வரும் நவம்பர் மாதம் வெளியாகவுள்ளது.