சினிமாக்காரன் நிறுவனத்தின் சார்பில் தயாரிப்பாளர் எஸ்.வினோத் குமார் தயாரித்துள்ள புதிய திரைப்படம் ‘குடும்பஸ்தன்’.
இந்தப் புதிய படத்தில் ’குட் நைட்’ & ’லவ்வர்’ படங்களின் நாயகனான நடிகர் மணிகண்டன் நாயகனாக நடித்துள்ளார். மேலும் சான்வே மேகனா, குரு சோமசுந்தரம், இயக்குநர் ஆர்.சுந்தர்ராஜன், பிரசன்னா பாலச்சந்திரன், ’ஜெய ஜெய ஜெய ஹே’ படப்புகழ் கனகம்மா, ஜென்சன் திவாகர் மற்றும் பலரும் இந்தப் படத்தில் நடித்துள்ளனர்.
இயக்கம் – ராஜேஷ்வர் காளிசாமி, கதை – பிரசன்னா பாலச்சந்திரன் & ராஜேஷ்வர் காளிசாமி, திரைக்கதை & வசனம் – பிரசன்னா பாலசந்தரன், தயாரிப்பு – எஸ்.வினோத் குமார், தயாரிப்பு நிறுவனம் – சினிமாக்காரன், ஒளிப்பதிவு – சுஜித் சுப்ரமணியம், இசை – வைஷாக் பாபுராஜ், படத்தொகுப்பு – கண்ணன் பாலு, கலை இயக்கம் – சுரேஷ் கல்லேரி, சண்டை இயக்கம் – தினேஷ் சுப்பராயன், ஆடை வடிவமைப்பு – மீரா, விளம்பர வடிவமைப்பு – வின்சிராஜ், பத்திரிக்கை தொடர்பு – சுரேஷ் சந்திரா, அப்துல் நாசர்.
கெளபாய்ஸ், நாடோடி வீரர்கள், கோஸ்ட் பஸ்டர்ஸ் அல்லது புதையல் வேட்டையாடுபவர்கள் பற்றிய படங்களே பொதுவாக சாகச படங்களாகக் கருதப்படுகின்றன. இருப்பினும், திருமணமான சாதாரண குடும்பஸ்தனின் அன்றாட வாழ்க்கையும் சாகசங்களுக்குக் குறந்ததல்ல. அந்த வகையில் ஒவ்வொரு குடும்பஸ்தனும் ஒரு சாகச வீரனே !
அப்படியொருரு இளைஞன் குடும்ப வாழ்வில் எதிர்கொள்ளும் சவால்களும் சாகசங்களும் பல இயல்பான வேடிக்கை நிறைந்த தருணங்கள் கொண்ட விறுவிறுப்பான திரைப்படமாக இந்தக் குடும்பஸ்தன் திரைப்படம் உருவாகியிருக்கிறது.
இத்திரைப்படம் குறித்து இயக்குநர் ராஜேஷ்வர் கூறும்போது, “கோயம்புத்தூரில் இருக்கும் புதிதாக திருமணமான தம்பதிகள் பற்றிய மகிழ்வான கதை இது. குடும்பஸ்தன் ஒருவன் எதிர்கொள்ளும் சவால்கள் மற்றும் வேடிக்கையான தருணங்களை சுற்றியே இந்தக் கதை நடக்கிறது” என்றார்.
இப்படத்தின் படப்பிடிப்பு ஏற்கனவே முடிவடைந்த நிலையில், விரைவில் படத்தை வெளியிடுவதற்கான ஏற்பாடுகள் முழு வீச்சில் நடைபெற்று வருகின்றன.
