வைத்தியநாதன் பிலிம் கார்டன் பட நிறுவனம் சார்பில் V.பழனிவேல், கோவை பாலசுப்பிரமணியம் இருவரும் இணைந்து தயாரித்திருக்கும் படம் ‘ரஜினி’.
இந்தப் படத்தில் விஜய் சத்யா கதாநாயகனாக நடித்துள்ளார். கதாநாயகியாக ஷெரின் நடித்துள்ளார். மற்றும் வனிதா விஜயகுமார், இமான் அண்ணாச்சி, சம்யுக்தா, கராத்தே ராஜா, விஜய் டிவி பாலா, ஞானசம்பந்தம், அம்மு, லொள்ளு சபா மனோகர், வெனீஸ், ரங்கநாதன், மூக்குத்தி முருகன், தணிகைவேல் ஆகியோர் நடித்துள்ளனர்.
இசை – அம்ரீஷ், பாடல்கள் – நெல்லை ஜெயந்தன், லாவர்தன், ஒளிப்பதிவு – மனோ V.நாராயணா, கலை இயக்கம் – ஆண்டனி பீட்டர், நடன இயக்கம் – செந்தாமரை, படத் தொகுப்பு – சுரேஷ் அர்ஷ், சண்டை இயக்கம் – சூப்பர் சுப்பராயன், தயாரிப்பு மேற்பார்வை – நிர்மல், தயாரிப்பு நிர்வாகம் – பூமதி – அருண், பத்திரிகை தொடர்பு – மணவை புவன், தயாரிப்பு – V.பழனிவேல், கோவை பாலசுப்ரமணியம்,
‘சாக்லேட்’, ‘பகவதி’, ‘ஏய்’, ‘வாத்தியார்’, ‘மாஞ்சா வேலு’, ‘மலை மலை’, ‘கில்லாடி’ போன்ற வெற்றிப் படங்களை இயக்கிய இயக்குநரான A.வெங்கடேஷ் இந்தப் படத்தை இயக்கியுள்ளார்.
படம் பற்றி இயக்குனர் A.வெங்கடேஷ் பேசும்போது, “திரில்லர், ஆக்க்ஷன் கலந்த ஒரு வித்தியாசமான படமாக இதை உருவாக்கி உள்ளேன். ‘ரஜினி’ என்று பெயர் வைத்தவுடன் நிறைய பேர் ‘சூப்பர் ஸ்டார் ரஜினியின் கதையா?’ என்று கேட்க ஆரம்பித்துவிட்டார்கள். இது அவருடைய கதை இல்லை. நாயகன் தீவிர ‘ரஜினி’ ரசிகராக வருகிறார். அதனால்தான் படத்திற்கு ‘ரஜினி’ என்று தலைப்பை வைத்துள்ளோம்.
அனைவரும் குடும்பத்துடன் அமர்ந்து பார்க்கும்படியான செண்டிமென்ட் கலந்து ஜனரஞ்ஜகமாக உருவாக்கியுள்ளோம். படம் வருகிற ஏப்ரல் மாதம் திரையரங்குகளில் வெளியாகிறது..” என்றார்.
