கோல்டன் ஈகிள் ஸ்டுடியோஸ் (Golden eagle studio ) என்ற பட நிறுவனம் சார்பில் கோவை பாலா பிரம்மாண்டமாக தயாரித்திருக்கும் படம் ‘தில் ராஜா’.
இந்தப் படத்தில் விஜய் சத்யா கதாநாயகனாக நடிக்கிறார். இந்த படத்திற்காக நாயகன் விஜய் சத்யா சிக்ஸ் பேக் உடற்கட்டை உருவாக்கி நடித்திருக்கிறார். கதாநாயகியாக ஷெரின் நடித்துள்ளார்.
மற்றும் வனிதா விஜயகுமார், இமான் அண்ணாச்சி, சம்யுக்தா, கராத்தே ராஜா, விஜய் டிவி பாலா, ஞானசம்பந்தம், அம்மு, லொள்ளு சபா மனோகர், வெனீஸ், ரங்கநாதன், மூக்குத்தி முருகன், தணிகைவேல் ஆகியோர் நடித்துள்ளனர்.
இந்த படத்திற்கு அம்ரீஷ் இசையமைத்துள்ளார். பாடல்களை நெல்லை ஜெயந்தன், கலைகுமார் இருவரும் எழுதியுள்ளனர். ஒளிப்பதி – மனோ V.நாராயணா, கலை – ஆண்டனி பீட்டர், நடனம் – செந்தாமரை, படத்தொகுப்பு – சுரேஷ் அர்ஷ், சண்டை இயக்கம் – சூப்பர் சுப்பராயன், தயாரிப்பு மேற்பார்வை – நிர்மல், புரொடக்ஷன் கண்ட்ரோளர் – பூமதி – அருண், பத்திரிக்கை தொடர்பு – புவன் செல்வராஜ். தயாரிப்பு – கோவை பாலா,
‘சாக்லேட்’, ‘பகவதி’, ‘ஏய்’, ‘வாத்தியார்’, ‘மாஞ்சா வேலு’, ‘மலை மலை’, ‘கில்லாடி’ போன்ற வெற்றிப் படங்களை இயக்கிய A.வெங்கடேஷ் இந்தப் படத்தை இயக்கியிருக்கிறார்.
திரில்லர், ஆக்க்ஷன் கலந்த ஒரு வித்தியாசமான படமாக இதை உருவாக்கி இருக்கிறார்கள். நாயகன் விஜய் சத்யா படத்தில் தீவிர ரஜினி ரசிகராக நடித்துள்ளார். அவரோடு இணைந்து நாய் ஒன்றும் முக்கிய கதாபாத்திரத்தில் நடித்துள்ளது.
அனைவரும் குடும்பத்துடன் அமர்ந்து பார்க்கும்படியான செண்டிமென்ட் கலந்து ஜனரஞ்ஜகமாக படமாக இந்த தில் ராஜா திரைப்படம் உருவாகியுள்ளது.
“விஜய் சத்யாவிற்கு இந்த படத்திற்கு பிறகு பெரிய எதிர்காலம் காத்திருக்கிறது. அப்படி சிறப்பான நடிப்பை இந்தப் படத்தில் வெளிப்படுத்தி இருக்கிறார்” என்கிறார் படத்தின் இயக்குநரான ஏ.வெங்கடேஷ்.
அம்ரீஷ் இசையில், கலைக்குமார் பாடல் வரிகளில், ஆண்டனி தாசன் குரலில் உருவாகியுள்ள இந்த படத்தில் இடம் பெறும் ‘சாமி குத்து’ பாடல் வெளியாகி சுமார் ஒரு கோடிக்கும் அதிகமான ரசிகர்கள் கண்டு களித்துள்ளனர்.
இந்த ‘தில் ராஜா’ திரைப்படம் இந்த வருடத்தின் மிக சிறந்த பொழுது போக்கு படமாக இருக்கும் என்கிறது படக் குழு.
PVR Inox Pictures நிறுவனம், இந்தப் படத்தை இம்மாதம் திரையரங்குகளில் வெளியிடுகிறது.
