24 ஹச்.ஆர்.எஸ். புரொடக்ஷன்ஸ் தயாரிப்பில் உருவாகியிருக்கும் திரைப்படம் ‘ஒன் 2 ஒன்’.
இந்தப் படத்தில் சுந்தர்.சி. நாயகனாக நடிக்க பாலிவுட் இயக்குநர் அனுராக் காஷ்யப் வில்லனாக நடிக்கிறார்.
மேலும் விஜய் வர்மா மற்றும் நடிகை நீது சந்திரா இருவரும் முக்கிய கதாபாத்திரங்களில் நடிக்கிறார்கள். மற்றும் ராகினி திவேதி, பேபி மானஸ்வி, ரியாஸ்கான் ஆகியோரும் இணைந்து நடிக்கின்றனர்.
தயாரிப்பு – 24 HRS புரொடக்ஷன்ஸ், எழுத்து, இயக்கம் – K.திருஞானம், இசை – சித்தார்த் விபின், ஒளிப்பதிவு – S.K.A.பூபதி கார்த்திக், பிரவீன் நித்தியானந்தம், விக்ரம் மோகன் படத் தொகுப்பு –C.S.பிரேம் குமார், கலை இயக்கம் – R.ஜனார்த்தனன், பாடல்கள் – மோகன் ராஜன், சண்டை இயக்கம் – சிறுத்தை கணேஷ், ரக்கர் ராம், நடன இயக்கம் – தீனா, லைன் புரடியூசர் – K.கேசவன், சவுண்ட் & மிக்ஸிங் – T.உதயகுமார், புகைப்படங்கள் – V.பாக்யராஜ் D.I. – ஶ்ரீகலாசா ஸ்டூடியோஸ், கலரிஸ்ட் – ரகுராமன், விஷூவல் எஃபெக்ட்ஸ் & சிஜி – டி நோட் ஸ்டுடியோ, பத்திரிக்கை தொடர்பு – சதீஷ், சிவா(AIM), பப்ளிசிட்டி டிசைன் – தினேஷ் அசோக்.
மின்னல் வேகத்தில் நகரும் ரயிலுக்கு மேலும், கீழும், கடும் ஆக்ரோஷத்துடன் சுந்தர்.C, அனுராக் காஷ்யப் இடம் பெற்றிருக்கும் இந்த ஃபர்ஸ்ட் லுக் படத்தின் மீது பெரும் ஆவலை தூண்டுகிறது.
ரசிகர்களுக்கு ஒரு வித்தியாசமான கமர்ஷியல் விருந்து காத்திருக்கிறது என்பதை இந்த ஃபர்ஸ்ட் லுக் உறுதிப்படுத்துகிறது.
ஒரு குழந்தைக்குப் பாசமான தந்தையாகவும், மறுபுறம் ஆக்சன் முகத்துடன் இதுவரையிலும் ஏற்றுநடித்திராத வித்தியாசமான பாத்திரத்தில் சுந்தர்.C மிரட்டலாக நடித்துள்ளார்.
அவருக்கு இணையான வில்லன் பாத்திரத்தில், ‘இமைக்கா நொடிகள்’ படத்திற்குப் பிறகு, பாலிவுட் இயக்குநர் அனுராக் காஷ்யப் இப்படத்தில் அட்டகாசமான ஒரு கதாப்பாத்திரத்தில் நடித்துள்ளார்.
இவர்களுடன் ‘பரமபதம் விளையாட்டு’ படத்தில் நாயகனாக நடித்த விஜய் வர்மன் ஒரு முக்கிய பாத்திரத்தில் நடித்துள்ளார்.
நடிகை திரிஷா நடிப்பில் உருவாகி வெளியான ‘பரமபதம் விளையாட்டு’ படத்தைத் தொடர்ந்து இயக்குநர் K.திருஞானம், விறுவிறுப்பான திரைக்கதையில் பரபரப்பான கமர்ஷியல் படமாக இப்படத்தை இயக்கியுள்ளார்.
இப்படத்திற்காக இசையமைப்பாளர் சித்தார்த் விபின் அட்டகாசமான நான்கு பாடல்களை இசையமைத்துள்ளார். முன்னதாக இவரின் இசையில் பிரமித்து, புத்தம் புதிய ஐஃபோன் வழங்கி அவரைப் படக் குழு பாராட்டியது குறிப்பிடத்தக்கது.
