அதிகம் எதிர்பார்க்கப்பட்ட, சர்வதேச அளவில் பாராட்டுதல்களை பெற்ற ‘மாடர்ன் லவ் ஃப்ரான்சைசின்’ மூன்றாவது இந்திய அத்தியாயமான ‘மாடர்ன் லவ் சென்னை’ தொடரின் அறிமுகத்தை ப்ரைம் வீடியோ அறிவித்துள்ளது.
டைலர் டுர்டென் மற்றும் கினோ ஃபிஸ்டின் பேனரின் கீழ் தயாரிக்கப்பட்ட இந்த ‘மாடர்ன் லவ் சென்னை’ இந்திய சினிமாவின் ஆறு புத்திசாலி படைப்பாளிகளை ஒன்றிணைத்திருக்கிறது.
‘இயக்குநர் இமயம்’ பாரதிராஜா, இயக்குநர்கள் பாலாஜி சக்திவேல், ராஜு முருகன், கிருஷ்ணகுமார் ராம்குமார், அக்ஷய் சுந்தர் மற்றும் தியாகராஜன் குமாரராஜா ஆகியோர் இந்தப் படைப்பில் பங்கேற்றுள்ளார்கள்.
இந்த தொடருக்கான இசையமைப்பாளர்களில் ‘மேஸ்ட்ரோ’ இளையராஜா, யுவன் சங்கர் ராஜா, ஜி.வி.பிரகாஷ் குமார், மற்றும் ஷான் ரோல்டான் உள்ளடங்குவர், பாடல்களை ‘மேஸ்ட்ரோ’ இளையராஜா, யுகபாரதி மற்றும் பாக்கியம் சங்கர் மூவரும் எழுதியுள்ளனர்.
இது மாடர்ன் லவ் மும்பை மற்றும் மாடர்ன் லவ் ஹைதராபாத்தை தொடர்ந்து, ஜான் கார்னே தலைமைத் தாங்கிய சர்வதேச அளவில் பாராட்டைப் பெற்ற ஒரிஜினல் தொகுப்பான மாடர்ன் லவ்வின் மூன்றாவது இந்திய தழுவல் ஆகும்.
தியாகராஜன் குமாரராஜாவை படைப்பாளியாக கொண்டு, டைலர் டுர்டென் மற்றும் கினோ ஃபிஸ்ட் பேனரின் கீழ் தயாரிக்கப்பட்ட, ஆறு – அத்தியாய தொகுப்பு வலிமையாக கவர்கின்ற மற்றும் தனித்தன்மையான காதல் கதைகளின் ஒரு பூங்கொத்தாக வழங்குகிறது, இவை உறவுகளை ஆய்வு செய்கின்றன. எல்லைகளைக் கடக்கின்றன. மனங்களைத் திறக்கிறது.
இந்த தொகுப்பில் :
1. ‘லாலாகுண்டா பொம்மைகள்’ – ராஜுமுருகன் இயக்கியது. இசை – ஷான் ரோல்டன். ஸ்ரீகௌரி ப்ரியா, வாசுதேவன் முரளி, மற்றும் வசுந்தரா ஆகியோர் நடித்துள்ளனர்.
2. ‘இமைகள்’ – பாலாஜி சக்திவேல் இயக்கியது. இசை – யுவன் சங்கர் ராஜா, அசோக் செல்வன், மற்றும் டீ.ஜே.பானு ஆகியோர் நடித்துள்ளனர்.
3. ‘காதல் என்பது கண்ணுல ஹார்ட் இருக்குற இமோஜி’ – கிருஷ்ணகுமார் ராம்குமார் இயக்கியது. இசை – ஜி.வி.பிரகாஷ்குமார். ரித்து வர்மா, சம்யுக்தா விஸ்வநாதன், பவன் அலெக்ஸ், மற்றும் அனிருத் கனகராஜன் ஆகியோர் நடித்துள்ளனர்.
4. ’மார்கழி’ – அக்ஷய் சுந்தர் இயக்கியது. இசை – இளையராஜா. சஞ்சுளா சாரதி, சூ கோய் ஷெங், மற்றும் ஸ்ரீகிருஷ்ணா தயாள் ஆகியோர் நடித்துள்ளனர்.
5. ‘பறவை கூட்டில் வாழும் மான்கள்’ – ‘இயக்குநர் இமயம்’ பாரதிராஜா இயக்கியது. இசை – இளையராஜா. கிஷோர், ரம்யா நம்பீசன், மற்றும் விஜயலக்ஷ்மி ஆகியோர் நடித்துள்ளனர்.
6. ‘நினைவோ ஒரு பறவை’ – தியாகராஜன் குமாரராஜா இயக்கியது. இசை – இளையராஜா. வாமிகா மற்றும் பீபி ஆகியோர் நடித்துள்ளனர்.
இந்த அமேசான் ஒரிஜினல் தொடரின் முதல் காட்சி இந்தியா மற்றும் உலகெங்கிலும் உள்ள 240 நாடுகள் மற்றும் பிராந்தியங்களில் வரும் 2023, மே 18-ம் தேதியன்று வெளியிடப்படும்.
