பிரின்ஸ் பிக்சர்ஸ் நிறுவனம் சார்பில் எஸ். லக்ஷ்மண் குமார் மற்றும் விவிஒய் நிறுவனம் சார்பில் இஷான் சக்சேனா தயாரிப்பில், மிகப் பிரம்மாண்டமாக உருவாகி வரும் ‘சர்தார் 2’ திரைப்படத்தின் அதிகாரப்பூர்வ டீசர் வெளியாகி ரசிகர்களிடையே பெரும் வரவேற்பைப் பெற்றுள்ளது.
‘சர்தார்’ திரைப்படத்தின் மாபெரும் வெற்றியைத் தொடர்ந்து அதன் இரண்டாம் பாகமாக இந்த படம் உருவாகி வருகிறது.
கார்த்தி ஹீரோவாக நடிக்க, பி.எஸ்.மித்ரன் இந்தப் படத்தை இயக்கி வருகிறார்.
இப்படத்தின் டீசர் தற்போது வெளியாகி உள்ளது.
இந்த டீசரில் படத்தின் பிரம்மாண்டம், அதிரடி ஆக்ஷன் காட்சிகள் மற்றும் கார்த்தியின் வித்தியாசமான தோற்றங்களை வெளிப்படுத்தி ரசிகர்களின் எதிர்பார்ப்பை மேலும் அதிகரித்துள்ளது.
மிகப் பெரிய பொருட்செலவில் உருவாகி வரும் இப்படத்திற்கு சாம்.சி.எஸ் இசையமைத்துள்ளார். ஜார்ஜ் சி. வில்லியம்ஸ் ஒளிப்பதிவு செய்துள்ளார். சண்டைப் பயிற்சியை திலீப் சுப்பராயன் கவனித்துள்ளார். கலை இயக்குநராக ராஜீவன் நம்பியார், படத்தொகுப்பாளராக வேலுக்குட்டி பணியாற்றியுள்ளனர்.
தயாரிப்பு நிர்வாகத்தை ஏ. பால் பாண்டி மேற்கொண்டுள்ளார். இணைத் தயாரிப்பாளராக ஏ. வெங்கடேஷ் பணியாற்றியுள்ளார்.
டீசர் வெளியான சில நிமிடங்களிலேயே சமூக வலைதளங்களில் டிரெண்டாகி, ரசிகர்களிடையே மிகப் பெரிய வரவேற்பைப் பெற்று வருகிறது.
விரைவில் இந்தப் படத்தின் இசை மற்றும் டிரெய்லர் வெளியாக இருக்கிறது.
மேலும் இப்படத்தை செப்டம்பர் 10-ம் தேதி வெளியிட படக் குழுவினர் முடிவு செய்துள்ளனர்.
