ஃபார்டியூன் பிலிம்ஸ்(FORTUNE FILMS) என்ற பட நிறுவனத்தின் சார்பில் தயாரிப்பாளர் நவீன்ராஜ் தயாரிக்கும் புதிய படத்தில் சந்தானம் நாயகனாக நடிக்கிறார்.
இந்தப் படத்தில், சந்தானத்தின் ஜோடியாக, ‘தாராள பிரபு’ படத்தில் நடித்த தான்யா ஹோப் நடிக்கிறார். மேலும், கே.பாக்யராஜ், பிரம்மானந்தம், செந்தில், கோவை சரளா, மன்சூர் அலிகான், மனோபாலா, மொட்டை ராஜேந்திரன், வையாபுரி, முத்துக்காளை, ராகிணி திவேதி, ஷகிலா மற்றும் பலர் நடிக்கிறார்கள்.
தயாரிப்பு – நவீன் ராஜ், இசை – அர்ஜூன் ஜன்யா, ஒளிப்பதிவு – சுதாகர் எஸ்.ராஜ், கலை இயக்கம் – மோகன் பி.கேர், சண்டை பயிற்சி இயக்கம் – ரவி வர்மா, நடனப் பயிற்சி இயக்கம் – குலபுஷன், சந்தோஷ் சேகர், பத்திரிகை தொடர்பாளர் – ஜான்சன்.
ஒரே நேரத்தில் தமிழ் மற்றும் கன்னட மொழிகளில் தயாராகும் இப்படத்தை கன்னடத் திரையுலகத்தின் பிரபல இயக்குநரான பிரசாந்த் ராஜ் இயக்குகிறார். இவர் கன்னடத்தில் ஹிட்டான ‘லவ் குரு’, ‘கானா பஜானா’, ‘விசில்’, ‘ஆரஞ்ச்’ போன்ற பல படங்களை இயக்கி ஸ்டார் இயக்குநராக உள்ளார்.
சந்தானத்தின் படங்களிலேயே இதுவரையிலும் இல்லாத அளவுக்கு அதிக பொருட்செலவில் பிரம்மாண்டமாக இப்படம் தயாராகிறது.
இது ஒரு அக்மார்க் சந்தானம் படம். குடும்பத்துடன் ஜாலியாக கொண்டாடும் விதத்தில் இதன் கதை அமைந்துள்ளது.
கதாநாயகனும், நாயகியும் வெவ்வேறு விளம்பர நிறுவனங்களில் வேலை செய்கிறார்கள். தொழில் முறை போட்டியில் இருவரும் எலியும், பூனையுமாக மோதிக் கொள்கிறார்கள். இவர்களுக்குள் நடை பெறும் தொழில் முறை யுத்தத்தை முழு நீள நகைச்சுவை படமாக உருவாக்குகிறார் இயக்குநர்.
இந்தப் படத்தின் படப்பிடிப்பு இன்று காலை பெங்களூரில் பூஜையுடன் ஆரம்பமானது.
இந்த படப்பிடிப்பை தொடர்ந்து சென்னை, பாங்காங்க், லண்டன் நகரங்களில் படப்பிடிப்பு நடைபெறவுள்ளது.
