full screen background image

‘சாணி காயிதம்’ படத்தின் டிரெயிலர் வெளியானது

‘சாணி காயிதம்’ படத்தின் டிரெயிலர் வெளியானது

இயக்குநர் அருண் மாதேஸ்வரனின் இயக்கத்தில் உருவாகியுள்ள சாணி காயிதம்’ படத்தின் டிரெயிலரை அமேஸான் பிரைம் வீடியோ இன்று வெளியிட்டது.

கீர்த்தி சுரேஷ் மற்றும் செல்வராகவன் இருவரும் முக்கிய வேடங்களில் நடித்துள்ள இப்படத்தை ஸ்கிரீன் சீன் மீடியா நிறுவனம் தயாரித்துள்ளது.

இப்படத்தில் ஒளிப்பதிவாளராக யாமினி யக்ஞமூர்த்தி, இசையமைப்பாளராக சாம் சி.எஸ்., கலை இயக்குநராக ராமு தங்கராஜ், படத் தொகுப்பாளராக நாகூரான் ராமச்சந்திரன், சண்டை பயிற்சி இயக்குநராக திலீப் சுப்பராயன் ஆகியோர் பணியாற்றியுள்ளனர்.

சாணி காயிதம் திரைப்படம் பிரைம் வீடியோவில் வரும் மே 6-ம் தேதி முதல் பிரத்யேகமாக 240 நாடுகள் மற்றும் பிராந்தியங்களில் திரையிடப்படும்.

இப்படம் தெலுங்கில் சின்னி’ என்றும் மலையாளத்தில் ‘சாணி காயிதம்’ என்றும் வெளிவருகிறது.

கான்ஸ்டபிளாகப் பணிபுரியும் பொன்னி (கீர்த்தி சுரேஷ்) தனது ஐந்து வயது மகள் தனா மற்றும் அரிசி ஆலையில் கூலியாளாகப் பணிபுரியும் அவரது கணவர் மாரி ஆகியோருடன் சேர்ந்து வாழும் மனதை நெகிழ வைக்கும் வாழ்க்கைப் பயணத்தை சாணி காயிதம் சித்தரிக்கிறது.

ஒரு துரதிர்ஷ்டவசமான இரவில், அவள் அனைத்தையும் இழக்க நேரிடுகிறது, தனக்கு இழைக்கப்பட்ட அநீதிக்குப் பழிவாங்க, சங்கையாவின் (செல்வராகவன்) ஆதரவைப் பெறுகிறாள். அவருடன் தனது கசப்பான கடந்த காலத்தைப் பகிர்ந்து கொள்கிறாள்.

தனது கதாபாத்திரம் குறித்து நடிகை கீர்த்தி சுரேஷ் பேசுகையில், “இதுவரை நான் நடித்த கதைகளில் இருந்து முற்றிலும் விலகிய கதை பாணியில் இந்த ‘சாணி காயிதம்’ படம் உருவாகியுள்ளது.

அனுபவமில்லாத அதே சமயம் உணர்ச்சிகரமான ஒரு கதாபாத்திரத்தில் நான் நடித்திருக்கிறேன். என்னுடைய பாத்திரமும், இயக்குநர் அருணின் தனித்துவமான கதை சொல்லும் பாணியும் என் ஆர்வத்தைத் தூண்டியது. அதற்கும் மேலாக, இயக்குனர் செல்வராகவன் உடன் நடிக்கக் கிடைத்த வாய்ப்பு மேலும் சிறப்பைச் சேர்த்தது! இந்தப் பாத்திரத்தில் நான் ஆத்மப்பூர்வமாக பங்கேற்றுள்ளேன். ரசிகர்களின் விமர்சனத்தை ஆவலுடன் எதிர்பார்க்கிறேன்.” என்றார்.

தற்போது நடிகராகவும் உருவெடுத்துள்ள பிரபல இயக்குநர் செல்வராகவன் பேசும்போது, “இந்தப் படத்துக்காக நான் முதல்முறையாக கேமராவின் முன்னால் நின்று நடித்ததால் சாணி காயிதம்’ எனக்கு ஸ்பெஷலான படமாகும். ஒரு சக்தி வாய்ந்த கதாபாத்திரத்தில் நடிக்க மற்றும். திறமையான கீர்த்தி சுரேஷுடன் இணைந்து நடிக்கக் கிடைத்த வாய்ப்பு மகிழ்ச்சியைத் தந்தது.

இயக்குர் அருண் மாதேஸ்வரன், தனது துறையில் மிகவும் தேர்ச்சி பெற்றவர் மற்றும் கதையிலும் கலைஞர்களிடமிருந்தும் முழுமையான திறனை வெளிப்படுத்தியுள்ளார். சாணி காயிதம்’ வெளிவருவதை ஆவலுடன் எதிர்பார்க்கிறேன்…” என்றார்.

 
Our Score