பிரமிப்பூட்டும் நட்சத்திரங்களுடன் லைகா புரடக்சன்ஸ் தயாரிக்கும் ரஜினியின் 170-வது படத்தின் படப்பிடிப்பு திருவனந்தபுரத்தில் இன்று துவங்கியது
இந்தப் படத்தில் சூப்பர் ஸ்டார் ரஜினிகாந்த், அமிதாப்பச்சன், பஹத் பாசில், ராணா டகுபதி, மஞ்சு வாரியர், ரித்திகா சிங், துஷாரா விஜயன் மற்றும் பலர் நடிக்கிறார்கள்
தயாரிப்பு – லைகா புரடக்சன்ஸ், எழுத்து இயக்கம் – TJ.ஞானவேல், இசை – அனிருத், ஒளிப்பதிவு – s.r.கதிர், படத் தொகுப்பு – பிலோமின் ராஜ், கலை இயக்குனர் – K கதிர், சண்டை பயிற்சி – அன்பரிவ், ஒப்பனை – பானு(ரஜினிகாந்த்), ஆடை வடிவமைப்பாளர் – அனு வர்தன், லைகா புரொடக்ஷன்ஸ் தலைமை அதிகாரி – gkm தமிழ் குமரன், பத்திரிக்கை தொடர்பு – ரியாஸ் K.அஹ்மத்.
அனைத்து தரப்பு பார்வையாளர்களையும் கவரும் விதமான பிளாக் பஸ்டர் வெற்றிப் படங்களை தயாரிப்பதற்காகவே பெயர் பெற்ற நிறுவனமான லைகா புரோடக்ஷ்ன்ஸ், தொடர்ந்து உற்சாகமான அறிவிப்புகளை கொடுத்து வரும் நிலையில், இந்த மாதத்தில் ரஜினியின் 170-வது படம் பற்றிய அறிவிப்பை வெளியிட்டுள்ளது.
சமூக நோக்கிலான கருத்து கொண்ட படங்களுக்காக அறியப்படும் இயக்குநரான T.J.ஞானவேல் முதன்முறையாக இந்தப் படத்தை இயக்குகிறார்.
‘2.O’, ‘தர்பார்’ மற்றும் ‘லால் சலாம்’ படங்களை தொடர்ந்து ரஜினி மற்றும் லைகா புரொடக்சன்ஸ் கூட்டணியில் நான்காவதாக உருவாகும், இந்தப் படம் ஒரு பான் இந்தியா திரைப்படமாக தயாராகிறது.
‘பேட்ட’, ‘தர்பார்’ ஹிட் படங்களுடன் சமீபத்திய ‘ஜெயிலர்’ படத்தின் வெற்றியை தொடர்ந்து இந்தப் படத்திலும் ரஜினியும், அனிருத்தும் நான்காவது முறையாக இணைந்து பணியாற்ற உள்ளனர்.
இப்படத்தை ‘டாக் ஆப் தி டவுன்’ ஆக மாற்றுவதற்கான முயற்சியில் தயாரிப்பளார் சுபாஸ்கரன் எந்த ஒரு வாய்ப்பையும் நழுவவிட போவதில்லை. குறிப்பாக இந்தப் படத்திற்கான தனித்துவம் வாய்ந்த நடிகர்கள் குறித்த அடுத்தடுத்த தொடர் அறிவிப்புகளை அதிரடியாக வெளியிட்டு வருகிறார்கள்.
மீடியாக்கள் எதிர்பார்த்ததைபோல பாலிவுட் மெகா ஸ்டார் அமிதாப் பச்சன் அவர்கள் ‘அந்தா கனூன்’, ‘கிராப்தார்’ மற்றும் ‘ஹம்’ ஆகிய படங்களை தொடர்ந்து நான்காவது முறையாக இப்படத்தில் ரஜினியுடன் இணைந்து நடிக்கவுள்ளார்.
மஞ்சு வாரியர், பஹத் பாசில், ராணா டகுபதி, ரித்திகா சிங் மற்றும் துஷாரா விஜயன் ஆகியோரும் ரஜினியுடன் முதன்முறையாக இந்தப் படத்தில்தான் நடிக்கிறார்கள் .
இந்தப் படத்தின் படப்பிடிப்பு தற்போது திருவனந்தபுரத்தில் துவங்கியுள்ளது.
