ராயல் ஃபர்சுனா கிரியேசன்ஸ் நிறுவனம் தயாரித்துள்ள திரைப்படம் ‘பாட்னர்.’
இந்தப் படத்தில் நடிகர் ஆதி நாயகனாக நடிக்க ஹன்சிகா மொத்வானி நாயகியாக நடித்திருக்கிறார். இவர்களுடன் நடிகை பாலக் லால்வானி, யோகி பாபு, ரோபோ சங்கர், ஜான் விஜய், ரவி மரியா, பாண்டியராஜன், முனிஷ் காந்த், தங்கதுரை உள்ளிட்ட பலரும் நடித்திருக்கிறார்கள்.
சபீர் அஹமத் ஒளிப்பதிவு செய்திருக்கும் இந்தப் படத்திற்கு சந்தோஷ் தயாநிதி இசையமைத்துள்ளார். ‘கோமாளி’ படப் புகழ் பிரதீப் ராகவ் படத் தொகுப்பு செய்திருக்கும் இப்படத்தின் சண்டைக் காட்சிகளை ‘பில்லா’ ஜெகன் அமைத்திருக்கிறார். அறிமுக இயக்குநர் மனோஜ் தாமோதரன் இந்தப் படத்தை இயக்கியிருக்கிறார்.
தற்போது இப்படத்தின் படப்பிடிப்பு பணிகள் நிறைவடைந்து, இறுதிக்கட்ட பணிகள் நடைபெற்று வருகிறது.
இந்நிலையில் இப்படத்தின் ஃபர்ஸ்ட் லுக் வெளியாகியிருக்கிறது. நடிகர் ஆர்யா வெளியிட்ட இந்த ‘பாட்னர்’ படத்தின் ஃபர்ஸ்ட் லுக்கை இன்று தனது சமூக வலைத்தளத்தில் வெளியிட்டு படக் குழுவினரை வாழ்த்தினார்.
‘பாட்னர்’ படத்தின் ஃபர்ஸ்ட் லுக்கின் தோற்றம் ரசிகர்களை கவர்ந்திருப்பதால் இணையவாசிகளிடம் பெரும் வரவேற்பைப் பெற்று வருகிறது.
