IMDB தர வரிசைப் பட்டியலில் இடம் பிடித்த ‘மாஸ்டர்’, ‘கர்ணன்’ திரைப்படங்கள்

IMDB தர வரிசைப் பட்டியலில் இடம் பிடித்த ‘மாஸ்டர்’, ‘கர்ணன்’ திரைப்படங்கள்

கொரோனா இரண்டாம் அலை தாக்குதலினால் இந்தியாவில் சினிமா துறை முற்றிலுமாக முடக்கப்பட்டிருந்தாலும் பல முக்கிய திரைப்படங்கள் தியேட்டர்களில் வெளியிடாமல் ஓடிடிக்களில் வெளியாகி ரசிகர்களைக் கவர்ந்திழுத்திருக்கின்றன.

இந்த நிலையில் IMDB எனப்படும் இணையத்தள திரைப்பட புள்ளியியல் அமைப்பு இந்தாண்டு இதுவரையிலும் வெளியான திரைப்படங்கள் மற்றும் வெப் சீரீஸ்களில் ரசிகர்களின் ஏகோபித்த ஆதரவைப் பெற்றவைகளின் பட்டியலை வெளியிட்டுள்ளது.

அந்தப் பட்டியலில் கடந்த ஜனவரி மாதம் வெளியான ‘மாஸ்டர்’ திரைப்படம் முதலிடத்தைப் பிடித்திருக்கிறது.

‘Aspirants’ என்ற வெப் சீரீஸ் 2-வது இடத்தையும், ‘The White Tiger’ என்ற வெப் சீரீஸ் 3-வது இடத்தையும் பிடித்திருக்கின்றன.

ஜீத்து ஜோஸப் இயக்கிய மோகன்லாலின் ‘திருஷ்யம்-2’ திரைப்படம் 4-வது இடத்தைப் பிடித்திருக்கிறது.

தமன்னாவின் நடிப்பில் சமீபத்தில் டிஸ்னி ஹாட் ஸ்டாரில் வெளியான ‘நவம்பர் ஸ்டோரி’ திரைப்படம் 5-வது இடத்தைப் பிடித்திருக்கிறது.

அமேஸான் பிரைமில் வெளியான தனுஷின் ‘கர்ணன்’ 6-வது இடத்தைப் பிடித்திருக்கிறது.

அதே அமேஸான் பிரைமில் பவன் கல்யாண் நடிப்பில் வெளியான ‘வக்கீல் சாப்’ திரைப்படம் 7-வது இடத்தைப் பிடித்திருக்கிறது.

சோனி லைவ் ஓடிடியில் வெளியான ‘மகாராணி’ என்னும் வெப் சீரீஸ் 8-வது இடத்தைப் பிடித்திருக்கிறது.

ஆஹா ஓடிடி தளத்தில் ‘கிராக்’ என்னும் திரைப்படம் 9-வது இடத்தைப் பிடித்திருக்கிறது.

அமேஸான் பிரைமில் வெளியான ‘தி கிரேட் இண்டியன் கிச்சன்’ என்ற மலையாளத் திரைப்படம் 10-வது இடத்தைப் பிடித்திருக்கிறது.

Our Score