இசையமைப்பாளர் ஜேம்ஸ் வசந்தன் இயக்கத்தில் வெளிவர உள்ள ‘வானவில் வாழ்க்கை’ திரைப்படத்தின் பாடல்கள் மற்றும் டிரைலர் சமீபத்தில் சென்னை சத்யம் தியேட்டரில் வெளியிடப்பட்டது.
‘இந்தியாவின் முதல் மியூசிக்கல் ஃபிலிம்’ என்று இப்படக் குழுவினரால் பெருமையுடன் அறிமுகப்படுத்தப்படும் இந்தப் படத்தில் 17 பாடல்கள் உள்ளன. இப்படத்தில் அறிமுகமாகும் கலைஞர்களே, அனைத்து பாடல்களையும் பாடி நடித்துள்ளது இந்தப் படத்திற்குக் கிடைத்துள்ள தனி சிறப்பாகும்.
இந்நிகழ்ச்சியில் கலந்து கொண்ட இயக்குனர் வசந்த் டிரைலரை வெளியிட்டார். ‘பசங்க’ இயக்குனர் பாண்டிராஜ் மற்றும் ‘கோ’ ‘அங்காடி தெரு’ போன்ற படங்களுக்கு ஒளிப்பதிவு செய்த ஒளிப்பதிவாளர் ரிச்சர்ட் M நாதன் இருவரும் பாடல்களை வெளியிட்டனர்.
“ “ஜேம்ஸ் வசந்தனை எனக்கு ஒரு இசையமைப்பாளரை மிகவும் பிடிக்கும். அவரது பாடல்களுக்கு நான் ரசிகன். ‘மெலோடி கிங்’ இவர்..” என்று வாழ்த்தி டிரைலரை வெளியிட்டார் இயக்குனர் வசந்த்.
“ “ஜேம்ஸ் சார் எனக்கு சினிமாவைப் பற்றி நிறைய சொல்லி கொடுத்தவர். படத்தின் தயாரிப்பு நேரம் மற்றும் அதன் செலவுகளை உணர்ந்தவர். என்னை ஒரு மியுசிக்கல் படம் செய்ய சொன்னார் நான் அதிலிருந்து நான் லாவகமாக விலகினேன். இன்று அத்தகைய ஒரு விஷயத்தை அவரே சாதித்து காட்டியுள்ளார்..” என்று கூறினார் ‘பசங்க’ இயக்குனர் பாண்டிராஜ்.
“ “எனது நண்பன் RK பிரதாப் இப்படத்திற்கு நன்கு ஒளிப்பதிவு செய்துள்ளார். திறமைமிக்க கலைஞன். இந்த வண்ணமயமான இளைஞர் குழு வெற்றி பெற வாழ்த்துக்கள்..” என்று கூறினார் ஒளிப்பதிவாளர் ரிச்சர்டு எம்.நாதன்.
“ “எனது பல இயக்குனர் நண்பர்களை ஒரு மியுசிக்கல் ஃபிலிம் செய்ய சொல்லி கேட்டுக் கொண்டே இருப்பேன். இன்று அப்படி ஒரு நீண்ட நாள் கனவு நிறைவேறியுள்ளது. இந்த திறமைமிக்க இளைஞர் பட்டாளம் எனக்கு இந்த படத்தை உருவாக்குவதில் பெரிதும் உதவினர். இப்படத்தை தயாரித்த எனது தயாரிப்பாளர்கள் OCEANAA AJR சினி ஆர்ட்ஸ் நிறுவனத்தாருக்கு எனது நன்றிகள்..“ என்றார் ஜேம்ஸ் வசந்தன்.
