‘குக் வித் கோமாளி’ நிகழ்ச்சியின் 2-வது சீசன் மிகப் பெரிய வரவேற்பைப் பெற்றது. இந்நிகழ்ச்சியில் கலந்து கொண்ட பலருக்கும் சினிமா வாய்ப்புகள் குவிந்து வருகிறது.
அந்த வகையில், இந்நிகழ்ச்சி மூலம் பிரபலமான அஷ்வினும், புகழும் இணைந்து புதிய படமொன்றில் நடிக்கின்றனர். இப்படத்திற்கு ‘என்ன சொல்லப் போகிறாய்’ என்று தலைப்பு வைத்துள்ளனர்.
இப்படத்தில் அஷ்வின் ஹீரோவாகவும், புகழ் காமெடியனாகவும் நடிக்கின்றனர். இப்படத்தில் அஷ்வினுக்கு ஜோடியாக இரண்டு ஹீரோயின்கள் நடிக்க உள்ளதாக கூறப்படுகிறது. அவர்களிடம் பேச்சுவார்த்தை நடத்தப்பட்டு வருகிறதாம்.
விளம்பரப் படங்களை இயக்கிய அனுபவம் கொண்ட இயக்குநரான ஹரிஹரன் இப்படத்தின் மூலம் சினிமாவில் இயக்குநராக அறிமுகமாகிறார். விவேக் – மெர்வின் இசையமைக்கும் இப்படத்திற்கு ரிச்சர்ட் எம்.நாதன் ஒளிப்பதிவு செய்ய உள்ளார்.
தயாரிப்பாளர் டிரைடண்ட் ஆர்ட்ஸ் ரவீந்திரன் தயாரிக்கும் இப்படம், காதல், காமெடி கலந்து உருவாக உள்ளது.
இப்படத்தின் படப்பிடிப்பு வருகிற ஜூலை 19-ம் தேதி சென்னையில் தொடங்க உள்ளது.
