ரெட் கார்பெட் ஃபிலிம்ஸ் நிறுவனத்தின் சார்பில் தயாரிப்பாளர் K.விஜய் பாண்டி தயாரிப்பில், P.G. மீடியா ஒர்க்ஸ் நிறுவனத்தின் சார்பில் தயாரிப்பாளர் P.G.முத்தையா இணை தயாரிப்பில் உருவாகியிருக்கும் படம் ‘தேஜாவு’.
இப்படத்தில் அருள்நிதி நாயகனாக நடித்துள்ளார். மேலும் மதுபாலா, அச்சுத் குமார், ஸ்மிருதி, ராகவ் விஜய், சேத்தன், ‘மைம்’ கோபி, காளி வெங்கட் உள்ளிட்டோர் முக்கிய கதாபாத்திரங்களில் நடித்து வருகின்றனர்.
இப்படத்திற்கு ஜிப்ரான் இசையமைக்க, P.G.முத்தையா ஒளிப்பதிவை மேற்கொள்ள, படத் தொகுப்பாளராக அருள் E.சித்தார்த், சண்டை பயிற்சியாளராக பிரதீப் தினேஷும், கலை இயக்குநராக வினோத் ரவீந்திரனும் பணியாற்றியுள்ளனர். இப்படத்தினை அறிமுக இயக்குநரான அரவிந்த் ஸ்ரீநிவாசன் இயக்கியிருக்கிறார்.
கடந்த சில மாதங்களுக்கு முன் இப்படத்தின் அனைத்து பணிகளும் நிறைவடைந்த நிலையில் படக் குழுவினர் வெளியீட்டிற்கான வேலைகளில் ஈடுபட்டு வந்தனர்.
இந்நிலையில் படத்தின் நாயகனான அருள்நிதியின் பிறந்த நாளான வரும் ஜுலை 21-ம் தேதியன்று இத்திரைப்படம் உலகம் முழுவதும் வெளியாகும் என்று படக் குழுவினர் அறிவித்துள்ளனர்.
