பிரபல மலையாளத் திரைப்பட இயக்குநரான அனில் வி.நாகேந்திரனின் இயக்கத்தில் சமுத்திரக்கனி மற்றும் பரத் முதன்முறையாக இணைந்து நடித்திருக்கும் படம் “வீரவணக்கம்”.
இந்தப் படத்தில் ஒரு முக்கியமான கதாபாத்திரத்தில் தேசிய விருது பெற்ற நடிகை சுரபி லஷ்மி நடித்திருக்கிறார்.
புரட்சிகரமான சமூக கருத்துக்களை கொண்ட இந்தப் படம் தமிழ்நாடு மற்றும் கேரளாவில் படப்பிடிப்பு நடைபெற்றிருக்கிறது.
சம காலத்தில் நடைபெறும் சமூக அவலங்களும், கடந்த காலத்தில் நடந்த புரட்சிகளும் இந்தக் கதையில் முக்கியமான ஒரு கருத்தை நமக்கு உணர்த்தும் வண்ணம் படமாக்கப்பட்டிருக்கிறது.
சமீபத்தில் இத்திரைப்படத்தின் பிரத்தியேகக் காட்சி திரையிடப்பட்டது. அந்தக் காட்சியில் படம் பார்த்த பல பிரபலங்கள் படத்தையும், இயக்குநரையும் வெகுவாகப் பாராட்டியுள்ளனர்.
Our Score
