ஓவியக் கலையையும், ஓவியக் கலைஞர்களையும் மையமாக வைத்து உருவாகும் ஃபேன்டஸி வெப் தொடர் ‘வர்ண கதைகள்’.
ஜே.கே. தமிழ் மீடியா புரொடக்ஷன்ஸ் நிறுவனத்தின் சார்பில் ஜே. ஜே எனும் ஜெயச்சந்திரன் இந்த வெப் தொடரை பிரமாண்டமாக தயாரிக்கிறார்.
பிரஜ்ஜன் நடிப்பில் விரைவில் வெளியாக உள்ள ‘இறப்பின் ரகசியம்’ படத்தை இயக்கிய
இமானுவேல் இந்த வெப் தொடரை கதை, திரைக்கதை, எழுதி இயக்குகிறார்.
இந்த வெப் தொடரில் மாறன், சென்ராயன், ஜெயச்சந்திரன், ப்ரணா, RJ புவனேஸ்வரி ஆகியோர் முக்கிய கதாபாத்திரங்களில் நடிக்கிறார்கள்.
மற்றும் நித்யா Queen, ரோஹிந்த், தீபா ஆகியோர் நடிக்கின்றனர்.
அதுமட்டுமின்றி, நடிகர்களை சாராத ஒரு முக்கிய கதாபாத்திரம் இந்த வெப் தொடரில் இடம் பெறும். அது தமிழ் ரசிகர்களுக்கு எதிர்பாராத புதிய அனுபவமாக இருக்கும்.
அஷ்வின் நோயல்
ஒளிப்பதிவு செய்கிறார். கலை இயக்கப் பணிகளை ஸ்ரீமன் மேற்கொள்கிறார். படத்தொகுப்புப் பணிகளை நந்தா மேற்கொள்கிறார்.
பத்திரிக்கை தொடர்பு – புவன் செல்வராஜ்.
இந்த வெப் தொடர் பற்றி இயக்குனர் இமானுவேல் பேசியதாவது….
“கலைஞர்கள் அழிந்தாலும் கலைகள் அழிவதில்லை. ஆனால், இன்றைய தொழில் நுட்ப வளர்ச்சியால் ஓவியக் கலைகளும், ஓவியக் கலைஞர்களும் அழிந்து கொண்டுதான் இருக்கின்றனர்.
அந்தக் கலையை அழிவிலிருந்து மீட்டெடுப்பதற்கான முயற்சிதான் இந்த ‘வர்ண கதைகள்’ வெப் தொடர்.
சினிமாவில் சாதிக்க வேண்டும் என்று வாய்புக்காகக் காத்திருக்கும் நான்கு நண்பர்கள் ஒரு பயணத்தைத் தொடங்குகின்றனர்.
அந்தப் பயணத்தில் எதிர்பாராமல் அவர்கள் சந்திக்கும் ஒரு கதாபாத்திரத்திடம் சிக்கிக்கொள்கின்றனர்.
அதன் பிறகு என்ன நடந்தது என்பதை கற்பனையுடனும், திகிலுடனும், நகைச்சுவை கலந்த ஃபேன்டஸி ஹாரர் தொடராக இதை உருவாக்குகிறோம்.
முதல் கட்டமாக நான்கு எபிசோடுகளுக்கான படப்பிடிப்பு விரைவில் தொடங்க இருக்கிறோம்” என்றார் இயக்குநர் இமானுவேல்.
இந்த வெப் தொடரின் பூஜை இன்று காலை படக் குழுவினர்கள் கலந்து கொள்ள பிரசாத் லேபில் சிறப்பாக நடைபெற்றது.
