சமீபத்தில் வெளியான ‘ட்ரிகர்’ படத்தின் ஃபர்ஸ்ட் லுக்கில் நடிகர் அதர்வா முரளியின் ‘ஆங்கிரி யங் மேன்’ தோற்றம் ரசிகர்களிடையே பெரும் பரபரப்பை ஏற்படுத்தியுள்ளது.
இந்தப் படத்தை Pramod Films நிறுவனத்தின் சார்பில் தயாரிப்பாளர்கள் பிரதீக் சக்ரவர்த்தி & ஸ்ருதி நல்லப்பா இருவரும் இணைந்து தயாரித்துள்ளனர்.
இந்த ‘ட்ரிகர்’ படம், இயக்குநர் சாம் ஆண்டன் எழுதி இயக்கியிருக்கும் ஒரு அவுட் அண்ட் அவுட் ஆக்ஷன் த்ரில்லர் திரைப்படம்.
அதர்வா நாயகனாகவும், தன்யா ரவிச்சந்திரன் நாயகியாகவும் நடிக்கும் இந்தப் படத்தில் அருண் பாண்டியன், முனிஷ்காந்த், கிருஷ்ண குமார், வினோதினி வைத்தியநாதன் போன்ற பிரபல நடிகர்களுடன் மேலும் சில முக்கிய நடிகர்களும் நடித்துள்ளனர்.
ஜிப்ரான் இசையமைக்க, கிருஷ்ணன் வசந்த் ஒளிப்பதிவு செய்கிறார். திரைப்பட இயக்குநர் P.S.மித்ரன் (‘இரும்புத் திரை’, ‘சர்தார்’) வசனம் எழுதுகிறார். திலீப் சுப்பராயன் சண்டை பயிற்சி இயக்குநராகவும், ரூபன் படத் தொகுப்பாளராகவும் பணியாற்றுகின்றனர்.
பொது பார்வையாளர்கள் மற்றும் வர்த்தக வட்டாரங்கள் மத்தியில் இப்படத்திற்கு எதிர்பார்ப்பு அதிகரித்துள்ள நிலையில், சமீபத்தில் வெளியான இப்படத்தின் செகண்ட் லுக், அதர்வாவின் கதாப்பாத்திரத்தின் குணாதிசயத்தை வெளிப்படுத்துவதாக அமைந்துள்ளது.
நடிகரும், தயாரிப்பாளரும், அரசியல்வாதியுமான உதயநிதி ஸ்டாலின் வெளியிட்ட இந்த செகண்ட் லுக் போஸ்டருக்கு ரசிகர்கள் மத்தியிலும் அமோக வரவேற்பு கிடைத்துள்ளது.
Romeo Pictures நிறுவனத்தின் சார்பில் தயாரிப்பாளர் ராகுல் இந்தப் படத்தை தமிழகம் முழுவதும் வரும் செப்டம்பர் மாதம் வெளியிடுகிறார். படத்தின் வெளியீட்டு தேதி விரைவில் வெளியிடப்படும்.