தயாரிப்பாளரும், இயக்குநருமான சசிகாந்த் இயக்கியுள்ள ‘டெஸ்ட்’ திரைப்படம் நேரடியாக ஓடிடியில் வெளியாகவுள்ளதாகத் தெரிகிறது.
ஓய் நாட் ஸ்டூடியோஸ் நிறுவனத்தின் மூலம் ‘குவாட்டர் கட்டிங்’, ‘இறுதிச்சுற்று’, ‘விக்ரம் வேதா’ உள்ளிட்ட பல்வேறு படங்களை தயாரித்தவர் தயாரிப்பாளர் சசிகாந்த். தற்போது அவரே தயாரித்து, இயக்கியுள்ள படம் ‘டெஸ்ட்’. இந்தப் படத்தில் மாதவன், சித்தார்த், நயன்தாரா உள்ளிட்ட பலர் நடித்துள்ளனர்.
இதுவரை இந்தப் படத்தின் கதாபாத்திர அறிமுக போஸ்டர்கள் மட்டுமே வெளியிடப்பட்டுள்ளன. இதன் படப்பிடிப்பு முழுமையாக முடிவுற்று, இறுதிக் கட்டப் பணிகள் நடைபெற்று வருகின்றன.
இதனிடையே, இப்போது ‘டெஸ்ட்’ படத்தினை நேரடியாக ஓடிடியில் வெளியிட முடிவு செய்திருப்பதாகத் தகவல்கள் தெரிவிக்கின்றன. இதற்கான உரிமையை பெரும் விலை கொடுத்து கைப்பற்றி இருக்கிறது ஃநெட்ப்ளிக்ஸ் நிறுவனம்.
எப்போது வெளியிடலாம் என்று ஃநெட்ப்ளிக்ஸ் கொடுக்கும் தேதிக்காக காத்திருக்கிறார் தயாரிப்பாளரும், இயக்குநருமான சசிகாந்த். தேதி முடிவான உடன், அதிகாரபூர்வமாக அறிவிக்கவும் திட்டமிட்டு இருக்கிறார்.
நயன்தாரா, மாதவன், சித்தார்த் போன்ற முன்னணி நடிகர்கள் நடித்துள்ள ஒரு படம், நேரடியாக ஓடிடியில் வெளியாவது ஆச்சரிமானதுதான்..!
