வைட் கார்ப்பட் ஃபிலிம்ஸ் நிறுவனத்தின் சார்பில் தயாரிப்பாளர் K.விஜய் பாண்டியின் தயாரிப்பில், PG மீடியா ஒர்க்ஸ் சார்பில் P.G.முத்தையாவின் இணை தயாரிப்பில் நடிகர் அருள்நிதி கதாநாயகனாக நடித்துள்ள திரைப்படம் ‘தேஜாவு’.
இப்படத்தில் மதுபாலா, அச்சுத் குமார், ஸ்மிருதி வெங்கட், ராகவ் விஜய், சேத்தன், ‘மைம்’ கோபி, காளி வெங்கட் உள்ளிட்டோர் முக்கிய கதாபாத்திரங்களில் நடித்துள்ளனர்.
இப்படத்திற்கு ஜிப்ரான் இசையமைக்க, P.G.முத்தையா ஒளிப்பதிவை மேற்கொள்ள, படத் தொகுப்பாளராக அருள் E.சித்தார்த், சண்டை பயிற்சியாளராக பிரதீப் தினேஷும், கலை இயக்குநராக வினோத் ரவீந்திரனும் பணியாற்றியுள்ளனர். இப்படத்தினை அறிமுக இயக்குநரான அரவிந்த் ஸ்ரீநிவாசன் இயக்கியுள்ளார்.
இன்று இப்படத்தின் டிரைலரை நடிகரும், தயாரிப்பாளரும், சட்டமன்ற உறுப்பினரான உதயநிதி ஸ்டாலின் வெளியிட்டார். டிரைலரை கண்டு ரசித்த உதயநிதி ஸ்டாலின் படக் குழுவினருக்கு தன் வாழ்த்துக்களையும் தெரிவித்தார்.
இந்த நிகழ்வின்போது ‘தேஜாவு’ படத்தின் நாயகனான அருள்நிதி, தயாரிப்பாளர் விஜய் பாண்டி, இயக்குநர் அரவிந்த் ஶ்ரீநிவாசன், ரெட் ஜெயன்ட் மூவிஸ் நிறுவனத்தின் இணை தயாரிப்பாளரான திரு M.செண்பகமூர்த்தி, ரெட் ஜெயன்ட் மூவிஸ் C.ராஜா ஆகியோர் உடனிருந்தனர்.
வெளியான சில நிமிடங்களில் ‘தேஜாவு’ படத்தின் ட்ரைலர் பலரின் கவனத்தை ஈர்த்து வருகிறது.
இத்திரைப்படம் உலகம் முழுவதும் வரும் ஜுலை 22-ம் தேதி திரையரங்குகளில் வெளியாகிறது.
