டி.டி. சினிமா ஸ்டூடியோ நிறுவனம் தயாரிக்கும் புதிய திரைப்படம் ‘சூரியனும் சூரியகாந்தியும்’.
இந்தப் படத்தில் தேசிய விருது பெற்ற அப்புக்குட்டி, ஶ்ரீஹரி, விக்ரம் சுந்தர் மூவரும் கதையின் நாயகர்களாக நடிக்கிறார்கள். ரிதி உமையாள் கதாநாயகியாக நடிக்கிறார்.
இவர்களுடன் இயக்குநர்கள் சந்தான பாரதி, செந்தில்நாதன், குட்டிப் புலி, ஏ.எல்.ராஜா, வில்லன் ராஜசிம்மன், மங்களநாத குருக்கள், அழகு, சேஷு, மிப்புசாமி, உடுமலை ரவி, சச்சின், ரேவதி, ரிந்து ரவி ஆகியோரும் நடிக்கிறார்கள்.
ஒளிப்பதிவு – திருவாரூர் ராஜா, இசை – ஆர்.எஸ்.ரவி பிரியன், படத் தொகுப்பு – வீரசெந்தில்ராஜ், நடன இயக்கம் – மஸ்தான், பாடல்கள் – ஏ.எல்.ராஜா, கவிஞர் செங்கதிர்வாணன், சண்டை பயிற்சி இயக்குநர் – ஸ்பீடு மோகன், கலை இயக்கம் – ஜெயசீலன், புகைப்படங்கள் – சாய் சக்தி, மக்கள் தொடர்பு – கோவிந்தராஜ், இணைத் தயாரிப்பு – டெய்லி குருஜி.
இந்தப் படத்திற்கு கதை, திரைக்கதை, வசனம் எழுதி, இயக்கி தயாரிக்கிறார் ஏ.எல்.ராஜா. இவர் ஏற்கெனவே பார்த்திபன், தேவயானி நடிப்பில், ‘நினைக்காத நாளில்லை’, ‘தீக்குச்சி’ மற்றும் தெலுங்கில் ‘அக்கிரவ்வா’ ஆகிய படங்களை இயக்கியவர்.
“சாதிகள் இல்லையடி பாப்பா,
குலத் தாழ்ச்சி உயர்ச்சி சொல்லுதல் பாவம்”
என்ற பாரதியாரின் பாடல்தான் இந்தப் படத்தின் மையக் கருத்து.
சூரியன் மேல் காதல் கொண்ட சூரியகாந்தி பூ போல, கதாநாயகி, நாயகனை காதலிப்பதும், இவர்களின் காதலுக்குள் சாதி பேய் நுழைந்து, என்ன செய்கிறது என்பதும்தான் இந்த ‘சூரியனும் சூரியகாந்தியும்’ படத்தின் கதை.
வேல்முருகன், முகேஷ், நேகா ஆகியோர் படத்தில் இனிமையான பாடல்களை பாடியுள்ளனர். படத்தில் நான்கு பாடல்கள், மூன்று சண்டைக் காட்சிகள் இடம் பெற்றுள்ளன.
இந்தப் படத்தின் படப்பிடிப்பு மதுரை, தேனி, திண்டுக்கல், மைலம், திருவண்ணாமலை ஆகிய பகுதிகளில், முப்பத்தைந்து நாட்களில் நடந்து முடிந்துள்ளது.
தற்போது படத்தின் இறுதிக் கட்டப் பணிகள் நடைபெற்று வருகின்றன.
