“பண்டமாற்று” குறும் பட விழாவில் பேசிய நடிகர் அப்புக்குட்டி, “இந்தப் படத்தின் கதை… வட்டிக்குப் பணம் வாங்குவது, காரை அடமானம் வைப்பது. அதனால் வரும் பிரச்சினைகளை சொல்கிறது.
நானும், ஒரு சமயம் எனது காரை அடமானம் வைத்து, அவதிப்பட்டு உள்ளேன். இங்கே எல்லா நடிகர்களும் வசதியானவர்கள் இல்லை. 10 சதவீதம் நடிகர்கள்தான் வசதியாக இருக்கிறார்கள்.
அதனால் நடிகர்களே, லோன் வாங்கி கார் வாங்காதீங்க! ஒரு மாதம் வருமானம் வரும். பல மாதங்கள் வருமானம் வராது. மாட்டிக்கிவீங்க. எனது அனுபவத்தில் சொல்கிறேன்” என்று பேசினார் அப்புக்குட்டி.
இந்த விழாவில் சிறப்பு விருந்தினர்களாக இயக்குநர் ராசி அழகப்பன், நடிகர் அப்புக்குட்டி, நடிகர் காதல் சுகுமார், இயக்குநர் இஸ்மாயில் ஆகியோர் கலந்து கொண்டனர்.
புஷ்வானம் டாக்கீஸ் சார்பில், கண்ணன் சாவித்திரி கதை எழுதி, தயாரித்து, இயக்கியுள்ள குறும் படம் “பண்ட மாற்று”.
ஒளிப்பதிவு மற்றும் எடிட்டிங் பாண்டி அருணாசலம், இசை அர்ஜுன் வி.அகஷயா, பத்திரிக்கை தொடர்பு – கோவிந்தராஜ்.
கண்ணன் சாவித்திரி, ஜெயசுதா, பாட்ஷா, மகாலட்சுமி ஆகியோர் நடித்துள்ள இந்தப் ‘பண்ட மாற்று’ குறும் படம், விரைவில் திரைப்படமாக உருவாக உள்ளது!
