மாபெரும் வெற்றி பெற்ற ‘மைனா’, ‘சாட்டை’, ‘மொசக்குட்டி’ படங்களை தொடர்ந்து ஷாலோம் ஸ்டுடியோஸ் ஜான்மேக்ஸ் அடுத்து தயாரிக்கும் படம் ‘சவுகார்பேட்டை.’
இந்த படத்தில் ஸ்ரீகாந்த் கதாநாயகனாக வித்தியாசமான வேடமேற்று நடிக்கிறார். நாயகியாக லஷ்மிராய் நடிக்கிறார். மற்றும் சரவணன், விவேக், அப்புகுட்டி, கோட்டா சீனிவாசராவ், சம்பத், கோவை சரளா, சுமன், பவர்ஸ்டார் சீனிவாசன், நான் கடவுள் ராஜேந்திரன், தலைவாசல் விஜய், ரேகா ஆகியோரும் நடிக்கிறார்கள்.
இசை – ஜான் பீட்டர்
ஒளிப்பதிவு – சீனிவாசரெட்டி
பாடல்கள் – நா.முத்துக்குமார், விவேகா
கலை – எஸ்.எஸ்.சுசி தேவராஜ்
நடனம் – தினேஷ்
ஸ்டன்ட் – கனல்கண்ணன்
எடிட்டிங் – எலிசா
தயாரிப்பு நிர்வாகம் – ஜி.செந்தில்
வசனம் – ஷாம் மேனன்
கதை, திரைக்கதை இயக்கம் – வி.சி.வடிவுடையான்
தயாரிப்பு – ஜான் மேக்ஸ்
படம் பற்றி இயக்குநர் வி.சி.வடிவுடையான் பேசும்போது, “இந்தப் படத்தில் ஸ்ரீகாந்த் இரண்டு வேடமேற்கிறார். அதில் ஒரு கதாப்பாத்திரம் மந்திரவாதி. ராய்லஷ்மி எவ்வளவோ படங்களில் நடித்திருக்கிறார். ஆனால் முதன் முறையாக பேய் வேடத்தில் இந்தப் படத்தில் நடிக்கிறார். பேய் பிடித்து தானும் ஆடி மற்றவர்களையும் ஆட்டிப் படைக்கும் மாயா என்ற திகிலான கதாப்பாத்திரத்தில் நடிக்கிறார். படத்தின் படப்பிடிப்பு தற்போது தாம்பரம் அருகே பரபரப்பாக நடைபெற்றுக் கொண்டிருக்கிறது..” என்றார்.
