தமிழ்த் திரையுலகிற்கு நம்பிக்கையளிக்கும் வகையில் படங்களைத் தயாரித்து வருகிறது ‘மாதவ் மீடியா’ நிறுவனம்.
‘ஜீரோ’ மற்றும் ‘இஸ்பேட் ராஜாவும் இதய ராணியும்’ ஆகிய படங்களைத் தொடர்ந்து மேலும் இரண்டு படங்கள் தற்போது தயாரிப்பில் உள்ளன. ஹரிஷ் கல்யாண் நடிப்பில் உருவாகியுள்ள ‘ஓ மணப்பெண்ணே’ மற்றும் சசி – ஹரிஷ் கல்யாண் இணையும் படம் ஆகியவை ஆகும்.
தற்போது தங்களுடைய தயாரிப்பில் ஐந்தாவதாக உருவாகும் பிரம்மாண்ட தயாரிப்பை அறிவித்திருக்கிறது. முன்னணி நடிகரான சிம்பு நாயகனாக நடித்து வரும் இந்தப் படத்தை சுசீந்திரன் இயக்கி வருகிறார்.
இந்தப் படத்தில் சிம்புவுடன் பாரதிராஜா, நிதி அகர்வால் ஆகியோரும் முக்கிய கதாபாத்திரங்களில் நடித்து வருகிறார்கள்.
தயாரிப்பு – மாதவ் மீடியா, தயாரிப்பாளர் – பாலாஜி காப்பா, கதை, திரைக்கதை, இயக்கம் – சுசீந்திரன், ஒளிப்பதிவு – திரு, இசை – எஸ்.எஸ்.தமன், படத் தொகுப்பு – ஆண்டனி, தயாரிப்பு வடிவமைப்பு – ராஜீவன், பாடல்கள் – யுக பாரதி, வசனம் – பாலாஜி கேசவன், கலை இயக்கம் – சேகர்.பி., நடன இயக்கம் – ஷோபி, சண்டை இயக்கம் – தினேஷ் காசி, ஆடை வடிவமைப்பு – உத்ரா மேனன், மக்கள் தொடர்பு – நிகில் முருகன்.
சென்டிமெண்ட், எமோஷன், காதல், ஆக்ஷன், காமெடி என அனைத்தும் கலந்த ஜனரஞ்சகமான படமாக இது உருவாகிறது. கோடிக்கணக்கான ரசிகர்களைக் கொண்ட சிம்பு, இந்தப் படத்துக்காக உடல் இழைத்து முழுமையாக தன்னை அர்ப்பணித்து தயாராகியுள்ளார். அவருக்கு பொருந்தும் வகையில் இந்தக் கதையை செதுக்கியுள்ளார் சுசீந்திரன்.
இந்தப் படத்தின் படப்பிடிப்பு திண்டுக்கல்லைச் சுற்றியுள்ள பகுதிகளில் நடைபெற்று வருகிறது. ஒரே கட்டமாக ஒட்டு மொத்த படப்பிடிப்பையும் முடிக்க படக் குழு முடிவு செய்து மும்முரமாக பணிபுரிந்து வருகிறது.
2021-ம் ஆண்டு மக்களை மகிழ்விக்க இந்தப் படம் வெளியாகவுள்ளது. தொடர்ச்சியாக தரமான படங்களை மட்டுமே தயாரிக்க முடிவு செய்துள்ள மாதவ் மீடியா நிறுவனம், இந்தப் படமும் அனைத்து தரப்பு மக்களையும் மகிழ்விக்கும் வகையில் இருக்கும் எனத் தெரிவித்துக் கொள்கிறது.
