தென்னிந்திய திரையுலகின் திறமைமிக்க நடிகையான சுனைனா ‘நீர்ப் பறவை’, ‘சில்லுக்கருப்பட்டி’ ஆகிய படங்களில் தன் நடிப்பு திறமையால் அனைவரையும் கவர்ந்தவர்.
தற்போது பன்மொழிகளில் உருவாகும் ‘ரெஜினா’ என்ற புதிய திரைப்படத்தில் முதன்மை நாயகியாக நடிக்கிறார் சுனைனா.
இந்தப் படத்தை எல்லோ பியர் புரொடக்ஷன் நிறுவனத்தின் சார்பில் தயாரிப்பாளர் சதீஷ் நாயர் தயாரிக்கிறார். இப்படம் ஒரே நேரத்தில் நான்கு மொழிகளில் தயாராகிறது.
இந்த ‘ரெஜினா’ படத்திற்கு இசையமைத்து படத்தை தயாரிக்கிறார் சதிஷ் நாயர்.
இந்தப் பாடல் 4 மொழிகளில் மொழி பெயர்க்கப்பட்டுள்ளது. பாடல்கள் சிங்கப்பூரில் பதிவாக்கப்பட்டன.
கிராமி விருது வென்ற, டபுள் பேஸ்-இல் இசையமைக்கும் வல்லமை படைத்தவர்களில் ஒருவரான கிறிஸ்டி வாசித்து இருக்கிறார். இவருடன் ஜோண்ட் என்பவரும் வாசித்திருக்கிறார். இவர் ஜாஸ் பாணியில் வல்லமை வாய்ந்தவர்.
பாடல்களுக்கான வரிகளை யுகபாரதி, விவேக் வேல்முருகன், விஜயன் வின்சென்ட் மற்றும் இஜாஸ்.R எழுதியுள்ளனர். பவி K.பவன் ஒளிப்பதிவு செய்ய, கமருதீன் கலை இயக்குநராக பணியாற்றுகிறார். டோபி ஜான் படத் தொகுப்பு செய்ய, ஆடை வடிவமைப்பை ஏகன் செய்கிறார். பத்திரிகை தொடர்பு – ஜான்சன்.
இப்படத்தின் மூலம் தமிழில் இயக்குநராக அறிமுகமாகிறார், மலையாள இயக்குநரான டோமின் டி சில்வா. இவர், மலையாளத்தில் பரபரப்பாக பேசப்பட்ட ‘பைப்பின் சுவத்திலே பிராணயம்’ மற்றும் ‘ஸ்டார்’ படங்களை இயக்குகியவர்.
இந்தப் படம் பற்றி இயக்குநர் டோமின் டி சில்வா பேசும்போது, “இப்படம் பெண்களை மையமாகக் கொண்ட ‘ஸ்டைலிஷ் திரில்லராக’ இருக்கும். நீரோட்டத்திற்கு எதிராக ஒரு மீன் நீச்சலடிப்பதை போல, இப்படம் ஒரு சாதாரண இல்லத்தரசி ஆக இருக்கும் ஒரு பெண், அசாதாரணமான விஷயங்களைச் சாதிப்பதைப் பற்றியதாகவும், அனைவரயும் ஈர்க்கக்கூடிய ஒரு திரில்லர் படமாக இருக்கும்…” என்றார்.
இந்த ‘ரெஜினா’ படத்தின் தமிழ், தெலுங்கு, இந்தி மொழி ஃபர்ஸ்ட் லுக் போஸ்டரை பிரபல இயக்குநர் வெங்கட் பிரபு இன்று வெளியிட்டார். மலையாள மொழி போஸ்டரை பிரபல மலையாள இயக்குநரான ஆஷிக் அபு வெளியிட்டார்.
படத்தின் படல்கள் வெளியீடு மற்றும் வெளியீட்டு தேதி விரைவில் அறிவிக்கப்படும்.
