இந்திய திரைப்பட வரலாற்றில், 23 மணி நேரம், 23 நிமிடத்தில் எடுத்து முடிக்கப்பட்ட முதல் திரைப்படம் ‘பிதா’!
இந்தப் படத்தில் ஆதேஷ் பாலா, சாம்ஸ், மாஸ்டர் தர்ஷித், ஸ்ரீராம் சந்திரசேகர், அனு கிருஷ்ணா, ரிஹானா, மாரீஸ் ராஜா, அருள்மணி ஆகியோர் நடித்துள்ளனர்.
எஸ்.சுகன் எழுதி, இயக்கியுள்ளார். வசனம் – பாபா கென்னடி, ஒளிப்பதிவு – இளையராஜா, இசை – நரேஷ், எடிட்டர் – ஸ்ரீவர்சன், கலை இயக்கம் – கே.பி.நந்து, பத்திரிக்கை தொடர்பு – கோவிந்தராஜ், தயாரிப்பு – எஸ்.ஆர்.பிலிம் பேக்டரி ஜி.சிவராஜ்,
நாளை ஜூலை 26-ம் தேதி வெளியாகவுள்ள ‘பிதா’ படத்தின் பத்திரிகையாளர் சந்திப்பு மற்றும் போஸ்டர் வெளியீட்டு நிகழ்வில், 23′ மணி நேரம், 23′ நிமிடங்களில் எடுக்கப்பட்ட ‘பிதா’ படம் திரையிடப்பட்டது.
படம் பார்த்த பிரபலங்கள் அனைவருமே படத்தையும், பட குழுவினரையும் வெகுவாக பாராட்டினார்கள்!
தயாரிப்பாளர்கள் ஜி.சிவராஜ், அன்புச் செழியன், ஆக்ஷன் ரியாக்ஷன் ஜெனீஷ், இயக்குனர்கள் அரவிந்தராஜ், பேரரசு, கேபிள் சங்கர், எஸ்.சுகன், நடிகர்கள் மாஸ்டர் மகேந்திரன், ஆதேஷ் பாலா, சாம்ஸ், சம்பத்ராம், ஸ்ரீராம் சந்திரசேகர், மாரிஸ் ராஜா, மாஸ்டர் தர்ஷித், நடிகை ரிஹானா ஆகியோர் இந்த விழாவில் கலந்து கொண்டனர்.
காது கேளாத, வாய் பேச முடியாத பத்து வயது சிறுவன், கடத்தப்பட்ட தொழில் அதிபரையும், தனது அக்காவையும் காப்பாற்றுவதுதான் கதை.
‘ஆக்ஷன் ரியாக்ஷன்’ ஜெனீஷ், இந்தப் பிதா படத்தை ஜூலை 26-ம் தேதி உலகெங்கும் வெளியிடுகிறார்!
