தமிழ் சினிமாவில் ஒவ்வொரு வருடமும் நூற்றுக்கும் அதிகமான திரைப்படங்கள் வெளியாகின்றன. அதிலும் குறிப்பாக சிறிய பட்ஜெட் படங்களில் பெரிய அளவில் ரிலீஸ் ஆகின்றன.
சிறிய பட்ஜெட் படங்களில் வித்தியாசமான கதைக்களத்தில் உருவாகும் படங்களுக்கு மக்கள் மத்தியில் எப்போதும் தனி வரவேற்பு கிடைத்து வருகிறது.
இந்த வகையில் தற்போது முழுக்க முழுக்க மாறுபட்ட கதைக் களத்தில் உருவாகியுள்ள திரைப்படம்தான் ‘பழகிய நாட்கள்’.
ராம்குமாரின் ராம்தேவ் பிக்சர்ஸ் நிறுவனம் தயாரித்துள்ள இந்தப் படத்தை இயக்குநர் ராம்தேவ் இயக்கியுள்ளார்.
இந்த படத்தில் மீரான், மேகனா, செந்தில் கணேஷ், ஸ்ரீநாத், வின்சன்ட் ராய், நெல்லை சிவா, சிவக்குமார் மற்றும் சுஜாதா என பல நடிகர் நடிகைகள் இணைந்து நடித்துள்ளனர்.
இந்த படத்தின் அழகிய ஃபர்ஸ்ட் லுக் போஸ்டரை இயக்குநர்கள் பேரரசு, ஆர்.கே செல்வமணி மற்றும் ஆர்.வி.உதயகுமார் என மூன்று இயக்குநர்கள் இணைந்து வெளியிட்டுள்ளனர்.
இந்தப் படத்தின் போஸ்டர் சமூக வலைத்தளங்களில் வைரல் ஆகி ரசிகர்களை கவர்ந்து வருகிறது.
உண்மை காதலர்கள் ரசிக்கும் படமாக பழகிய நாட்கள் திரைப்படம் இருக்கும் என எதிர்பார்க்கப்படுகிறது.
