தி மாபோகோஸ் என்ற புதிய பட நிறுவனத்தின் சார்பில் தயாரிப்பாளர் பிரதீப் மகாதேவன் தயாரித்துள்ள திரைப்படம் ‘முஸ்தபா முஸ்தபா’.
இந்தப் படத்தில் சதீஷ், சுரேஷ் ரவி, மோனிகா சின்னகோட்லா, மானசா சௌத்ரி, கருணாகரன், புகழ், பாவெல் நவகீதன், ஐஸ்வர்யா தத்தா, வி.ஜே.மகேஸ்வரி, வி.ஜே.பார்வதி, லிவிங்ஸ்டன், சாம்ஸ், சூப்பர்குட் சுப்ரமணி, தீப்ஸ், உமா பத்மநாபன், வினோத் மற்றும் பலரும் நடித்துள்ளனர்.
சதீஷூக்கு ஜோடியாக மோனிகா சின்னகோட்லாவும், சுரேஷ் ரவிக்கு ஜோடியாக மானசா செளத்ரியும் நடித்துள்ளனர். கருணாகரன் நகைச்சுவை கதாபாத்திரத்திலும், புகழ், பாவெல் இருவரும் வித்தியாசமான நகைச்சுவை வில்லன்கள் கதாபாத்திரத்திலும் நடித்துள்ளனர்.
எழுத்து & இயக்கம் – பிரவீன் சரவணன், தயாரிப்பு – மாபோகோஸ் நிறுவனம், தயாரிப்பு – பிரதீப் மகாதேவன், ஒளிப்பதிவு – கே.எஸ்.விஷ்ணுஸ்ரீ, இசை – எம்.எஸ்.ஜோன்ஸ் ரூபர்ட், படத் தொகுப்பு – தினேஷ் பொன்ராஜ், பத்திரிக்கை தொடர்பு – சுரேஷ் சந்திரா & ரேகா டி’ஒன், ஆடியோ உரிமம் – சரிகம.
எம்.எஸ். ஜோன்ஸ் ரூபர்ட் இசையில் பாடல்கள் அனைத்தும் அருமையாக வந்துள்ளது. இதன் ஆடியோ உரிமத்தை சரிகம நிறுவனம் பெற்றுள்ளது.
நட்புக்கு முக்கியத்துவம் கொடுத்து வெளிவரும் படங்கள் பார்வையாளர்களின் குட் புக்கில் இடம் பெறத் தவறுவதில்லை. ‘கண்ணும் கண்ணும் கொள்ளையடித்தால்’, ‘சூது கவ்வும்’ போன்ற படங்களின் வெற்றியை இதற்கு உதாரணமாகச் சொல்லலாம். அப்படியான ஒரு டார்க் காமெடி ஜானரில்தான் இந்த ‘முஸ்தபா முஸ்தபா’ படமும் உருவாகியுள்ளது.
இதன் படப்பிடிப்பு முழுவதும் சென்னையில் நடந்து முடிந்துள்ளது. தற்போது போஸ்ட் புரொடக்ஷன் பணிகள் விறுவிறுப்பாக நடந்து வருகிறது.
விரைவில் பட வெளியீடு குறித்தான அதிகாரப்பூர்வ அறிவிப்பு வெளியாக இருக்கிறது.
