full screen background image

ஆதரவற்றோருக்காக இசைக்கவிருக்கும் இசையமைப்பாளர் தமன்..!

ஆதரவற்றோருக்காக இசைக்கவிருக்கும் இசையமைப்பாளர் தமன்..!

சந்தோஷங்களில் பெரிய சந்தோஷம் அடுத்தவர்களைச் சந்தோஷப்படுத்துவதுதான். அப்படிப்பட்ட செயலைத் தொடர்ந்து செய்பவர்கள் ‘ராஜஸ்தான் யூத் அசோசியேஷன் மெட்ரோ’ என்கிற சென்னை வாழ் ராஜஸ்தான் இளைஞர் சங்கம் அமைப்பினர்.

சென்னை பகுதியின் சுமார் 60 ஆதரவற்றோர் இல்லங்களுக்கு மாதம்தோறும் உணவுக்குத் தேவையான பொருட்களை தங்களது ‘புட் பேங்க்’ எனப்படும் உணவு வங்கி மூலம் வழங்கி வருகிறார்கள். அது மட்டுமல்ல இவர்களின் இன்ப அதிர்ச்சியான பல சேவைகள் பல ஆண்டுகளாகத் தொடர்கின்றன.

ஒரு முறை ஆயிரம் குழந்தைகளை சிறப்பு ரயில் வாடகைக்குப் பிடித்து திருப்பதிக்கு அழைத்துச் சென்று மகிழ்ச்சி தரிசனம் செய்ய வைத்து அனைத்து செலவையும் ஏற்றுள்ளனர்.

இன்னொரு முறை 10,000 பேரை கிஷ்கிந்தா அழைத்துச் சென்று ஒரு நாள் முழுக்க அனைத்து விளையாட்டுகளிலும் விளையாட வைத்து களிப்பு மழையில் நனைய வைத்துள்ளனர்.

மற்றொருமுறை 2500 பேரை சென்னையில் சர்க்கஸ் பார்க்க வைத்து மகிழ்ச்சியில் ஆழ்த்தியுள்ளனர்.

இவ்வாண்டு இப்படி என்ன செய்யப் போகிறார்கள் என்று தலைவர் விஜய் கோத்தாரி கூறும்போது, “இவ்வாண்டு இப்படிப்பட்ட ஆதரவற்ற இயலாத குழந்தைகள் 1008 பேரை அழைத்து வந்து அவர்களுக்காக ஒரு பிரமாண்டமான இசை நிகழ்ச்சி நடத்த இருக்கிறோம். இது நிதி வசூல் நிகழ்ச்சியல்ல. கட்டணம் எதுவும் இல்லை. அவர்களை மகிழ்ச்சியூட்ட மட்டுமே இது நடத்தப்படுகிறது. இதில் பிரபல இசையமைப்பாளர் எஸ்.எஸ்.தமன் பிரதானமாக கலந்துகொண்டு பாடி குழந்தைகளுக்கு நேரடி இசை நிகழ்ச்சி அனுபவத்தை தர இருக்கிறார். இசைக்குழு ஏர்டெல் சூப்பர் சிங்கர் புகழ் சக்தி அண்ட் சாய் குழுவினர்.

இந்நிகழ்ச்சியில் பிரபல இசையமைப்பாளர்களும். திரை நட்சத்திரங்களும் பங்கேற்க இருக்கிறார்களாம். தனக்கிருக்கும் பரபரப்பான வேலைகள் நடுவே இதற்கு நேரம் ஒதுக்கினார் தமன். கேட்டவுடன் சம்மதித்த அவரது பெருந்தன்மை ஆச்சரியமூட்டியது..!” என்கிறார் விஜய் கோத்தாரி.

ஏப் ரல் 19-ல் சென்னையில் இந்நிகழ்ச்சி நடக்கிறது.

Our Score