ஸ்ரீதேனாண்டாள் நிறுவனத்தின் நாடக போஸ்டரை இயக்குநர் மணிரத்னம் வெளியிட்டார்..!

ஸ்ரீதேனாண்டாள் நிறுவனத்தின் நாடக போஸ்டரை இயக்குநர் மணிரத்னம் வெளியிட்டார்..!

தமிழ் சினிமாவில் பல படங்களை தயாரித்து, விநியோகம் செய்துவரும் ஸ்ரீதேனாண்டாள் பிலிம்ஸ் நிறுவனம், தேனாண்டாள் என்டர்டெய்ன்மென்ட் எனும் பெயரில் இசைக் கச்சேரி மற்றும் நாடகங்களையும் நடத்தி வருகிறது.

இந்நிறுவனம் சார்பாக தற்போது தயாராகி வரும் புதிய ஹிந்தி நாடகம் 'மேரா ஹோ மத்லப் நஹி தா' (Mera Woh Mathlab Nahi Tha). ராகேஷ் ரெட்டி இயக்கத்தில் அனுபம் கேர், நீனா குப்தா ஆகியோர் இதில் முன்னணி கதாபாத்திரங்களில் நடிக்கிறார்கள்.

இந்நிலையில் இந்த நாடகத்தின் முதல் பார்வையை இயக்குநர் மணிரத்னம் வெளியிட தயாரிப்பாளர் முரளியின் துணைவியார் ஹேமா ருக்மணி பெற்றுக் கொண்டார்.

இந்த நாடகம் வரும் செப்டம்பர் 18-ம் தேதி மாலை 6.30 மணியளவில் சென்னை மியூசிக் அகாடமியில் அரங்கேற்றப்படவுள்ளது. இதன் மூலம் கிடைக்கும் வசூலை ஏழை குழந்தைகளின் கல்வி செலவுக்காக பயன்படுத்த ஸ்ரீதேனாண்டாள் நிறுவனம் திட்டமிட்டுள்ளது.