ஸ்ரேயா நடிப்பில் 5 மொழிகளில் தயாராகும் ‘கமனம்’ திரைப்படம்

ஸ்ரேயா நடிப்பில் 5 மொழிகளில் தயாராகும் ‘கமனம்’ திரைப்படம்

கிட்டத்தட்ட 20 ஆண்டுகளாக சினிமாவுலகில் வசீகர முகத்தாலும், காந்த பார்வை கொண்ட கண்களாலும், தனித்துவமிக்க நடிப்பாலும் முன்னனி நடிகையாக திகழ்ந்து வந்த நடிகை ஸ்ரேயா சரண் சிறிய இடைவெளிக்கு பின் மீண்டும் தனது திரையுலக பயணத்தை தொடங்கிவிட்டார்.

இயக்குநர் சுஜனா ராவ் இயக்கத்தில் உருவாகும் ‘கமனம்’ படத்தில் நடிகை ஸ்ரேயா சரண் நாயகியாக நடித்துள்ளார்.

ஒரே நேரத்தில் தமிழ், தெலுங்கு, ஹிந்தி, மலையாளம், கன்னடம் என பல்வேறு மொழிகளில் இப்படம் தயாராகிறது.

ஒளிப்பதிவு - ஞான சேகர் V.S., இசை – ‘இசைஞானி’ இளையராஜா, படத் தொகுப்பு - ராமகிருஷ்ணா அராம், வசனம் - சாய் மாதவ் புர்ரா, மக்கள் தொடர்பு – சதிஷ் (AIM), கதை, திரைக்கதை, இயக்கம் - சுஜனா ராவ், தயாரிப்பாளர்கள் - ரமேஷ் கருதூரி, வெங்கி புஷதபு, ஞானசேகர் V.S.

நிஜ வாழ்வின் எதார்த்தங்களும் நிகழ்வுகளும் கொண்ட கதையாக இந்தக் ‘கமனம்’ திரைப்படம் உருவாகுகிறது.

‘இசைஞானி’ இளையராஜா இசையமைக்க, பிரபல எழுத்தாளர் சாய் மாதவ் புர்ரா வசனங்களை எழுதியுள்ளார்.

V.S.ஞான சேகர் இப்படத்தின் ஒளிப்பதிவை மேற்கொள்வதோடு மட்டுமில்லாமல் ரமேஷ் கருதூரி மற்றும் வெங்கி புஷதபு ஆகியோருடன் இணைந்து இப்படத்தை பிரம்மாண்டமாக தயாரித்துள்ளார்.

‘கமனம்’ படத்தின் முழு படப்பிடிப்பு முடிந்துவிட்ட நிலையில் இறுதிக் கட்ட பணிகள் துரிதமாக நடைபெற்று வருகிறது.

நடிகை ஸ்ரேயா சரணை தனது படங்களில் முக்கிய கதாபாத்திரத்தில் நடிக்க வைத்திருக்கும் பிரபல இயக்குநர் கிரிஷ் ‘கமனம்’ படத்தின் முதல் பார்வை போஸ்டரை நடிகை ஸ்ரேயா சரணின் பிறந்த நாளான இன்று வெளியிட்டார்.