full screen background image

காந்தி ஜெயந்தி மேஜிக்கை நிகழ்த்தும் விஜய் சேதுபதி – கோகுல் கூட்டணி

காந்தி ஜெயந்தி மேஜிக்கை நிகழ்த்தும் விஜய் சேதுபதி – கோகுல் கூட்டணி

நான்கு வருடங்களுக்கு முன்பு, சரியாக இதே நாளில் (அக்டோபர்-2) கோகுல் இயக்கத்தில், ‘மக்கள் செல்வன்’ விஜய் சேதுபதி நடித்து வெளிவந்த படம்  ‘இதற்குத்தானே ஆசைப்பட்டாய் பாலகுமாரா’.

இப்படத்தில் இடம் பெற்ற வித்தியாசமான காமெடி காட்சிகள் மூலம் ‘சுமார் மூஞ்சி குமார்’ஆக பட்டிதொட்டியெங்கும் பரவலாகப் பேசப்பட்டார் நடிகர் விஜய் சேதுபதி.

இப்போது மீண்டும் இதே தேதியில்(அக்டோபர்-2) தங்களது அடுத்த படமான ‘ஜுங்கா’ படப்பிடிப்பிற்காக பாரிஸ் நகரத்தில் கை கோர்த்துள்ளது  நடிகர் விஜய் சேதுபதி, இயக்குநர் கோகுல், இசையமைப்பாளர் சித்தார்த் விபின் கூட்டணி. மேலும், யோகி பாபு உட்பட பல நட்சத்திரங்கள் ‘ஜுங்கா’ படத்தில் நடிக்கிறார்கள்.

director gokul

‘இதற்குத்தானே ஆசைப்பட்டாய் பாலகுமாரா’வில் இந்த வெற்றிக் கூட்டணி நிகழ்த்திய காமெடி கதகளி ஆட்டம், இப்போதுவரை சோசியல் மீடியாவிலும், தொலைக்காட்சி சேனல்களிலும் தொடர்ந்து பேசப்பட்டு வருகிறது. இப்போது இதே போன்றதொரு காமெடி மாயாஜாலத்தை நிகழ்த்த ‘ஜுங்கா’ மூலம் பரபரப்பாக இயங்கி வருகின்றனர்.

இப்படத்திற்கான 30 நாட்கள் கொண்ட முதல் ஷெட்யூல் படப்பிடிப்பு இன்று(அக்டோபர்-2) பாரிஸ் நகரத்தில் துவங்கியுள்ளது.

sayeesha saigal

‘வனமகன்’ படத்தின் மூலம் ரசிகர்கள் மத்தியில் பரபரப்பாக அறிமுகமான சாயிஷா சாய்கல் ‘ஜுங்கா’ படத்தின் நாயகியாக ஒப்பந்தம் செய்யப்பட்டுள்ளார். ஜாலி பாடல்களையும், மெலடி மெட்டுக்களையும் ‘இதற்குத்தானே ஆசைப்பட்டாய் பாலகுமாரா’விற்காக உருவாக்கித் தந்த சித்தார்த் விபின் இப்படத்திற்கு இசையமைப்பாளராக பணியாற்றி வருகிறார்.

இதுவரை விஜய் சேதுபதி நடித்துள்ள படங்களிலேயே மிகப் பிரம்மாண்டமான படமாக உருவாகவுள்ளது ‘ஜுங்கா’ திரைப்படம். இப்படத்தை விஜய் சேதுபதியே தன்னுடைய சொந்த பேனரில் தயாரிப்பதால், படம் மீதான  ரசிகர்களின் எதிர்பார்ப்பு அதிகரித்து, படப்பிடிப்பு துவங்குவதற்கு முன்பே இப்படம் சம்பந்தப்பட்ட வியாபாரம் முடிந்துவிட்டது. 

படத்தின்  பூஜை சமயத்திலேயே அப்படத்தின் வியாபாரங்கள் தொடங்குவது இதற்கு முன்பு சூப்பர் ஸ்டார் ரஜினிகாந்த் படங்களுக்கு மட்டுமே நிகழ்ந்துள்ள அதிசயம் என்பது குறிப்பிடத்தக்கது.

ஏ அன்ட் பி குரூப்ஸ் இப்படத்தின் உரிமையை மிகப் பெரிய விலை கொடுத்து வாங்கியுள்ளது தமிழ்த் திரையுலகில் பரபரப்பை ஏற்படுத்தியுள்ளது.

Our Score