full screen background image

விஜய் சேதுபதி – ஸ்டூடியோ 9 சுரேஷ் சண்டை தீர்ந்தது. புதிய படம் துவக்கம்..!

விஜய் சேதுபதி – ஸ்டூடியோ 9 சுரேஷ் சண்டை தீர்ந்தது. புதிய படம் துவக்கம்..!

ஸ்டூடியோ 9 நிறுவனத்தின் தயாரிப்பாளரான சுரேஷுடனான தனது பனிப்போரை முடிவுக்குக்  கொண்டு வந்துள்ளார் நடிகர் விஜய் சேதுபதி.

‘நடுவுல கொஞ்சம் பக்கத்தைக் காணோம்’ படத்தை வாங்கி வெளியிட்ட ஸ்டூடியோ 9 அதிபர் சுரேஷ் அப்போதே விஜய் சேதுபதிக்கு 10 லட்சம் அட்வான்ஸ் கொடுத்து ‘வசந்தகுமாரன்’ என்ற படத்திற்கு புக் செய்திருந்தார்.

ஆனால் என்ன காரணத்தினாலோ விஜய் சேதுபதி அவருக்குக் கால்ஷீட் கொடுக்காமல் இதுவரையில் 6 படங்களை முடித்துவிட்டார்.

இதனால் விஜய் சேதுபதி மீது தயாரிப்பாளர் சங்கத்தில் சுரேஷ் புகார் கொடுக்க.. பதிலுக்கு சுரேஷ் மீது விஜய் சேதுபதி நடிகர் சங்கத்தில் புகார் கொடுத்து இந்த அக்கப்போர் சில காலம் நடந்துவந்தது.

பல கட்ட பஞ்சாயத்துகளுக்கு பின்பும் சுரேஷ், விஜய் சேதுபதி தனது படத்தில் நடித்தே தீர வேண்டும் என்று உறுதியுடன் இருக்க.. நடிகர் சங்கத் தேர்தலால் விவகாரம் ஆறப் போடப்பட்டிருந்தது. இப்போது இந்தப் பிரச்சினையை சுமூகமாக பேசி முடித்துள்ளனர்.

index

இதன்படி ஸ்டூடியோ 9 சுரேஷ் தயாரிக்க நினைத்த ‘வசந்தகுமாரன்’ படத்திற்குப் பதிலாக சீனு ராமசாமி இயக்கும் ‘தர்மதுரை’ என்ற படத்தில் விஜய் சேதுபதி நடித்துக் கொடுக்கப் போகிறாராம்.

ஒளிப்பதிவு – ‘காதல்’ சுகுமார், இசை – யுவன் சங்கர் ராஜா, எடிட்டிங் – காசி விஸ்வநாதன், கலை – பத்மாமகன்.
 
இப்படத்தின் முதற்கட்ட பணிகள் தொடங்கியுள்ளதையடுத்து, முழு விவரங்கள் விரைவில் அறிவிக்கப்படும். இப்படத்தின் வெளிப்புற படப்பிடிப்பு டிசம்பர் 15-ம் தேதி முதல் தொடங்க உள்ளது.
லிங்குசாமியின் திருப்பதி பிரதர்ஸ் தயாரிப்பில் விஜய் சேதுபதியின் நடிப்பில் ‘இடம் பொருள் ஏவல்’ படத்தையும் சீனு ராமசாமியே இயக்கியிருக்கிறார் என்பதும் குறிப்பிடத்தக்கது. ‘ரஜினி முருகன்’ படத்திற்குப் பிறகு இந்தப் படம் வெளியாக காத்திருக்கிறது.

எப்படியோ பிரச்சினை தீர்ந்தால் சரிதான்..!

Our Score