‘ஜின்’ என்கிற தலைப்பில் உருவான திரைப்படம், இப்போது ‘டார்லிங்-2’ என்ற பெயரில் வெளியாவது ஏன் என்று தயாரிப்பாளரும், வெளியிட்டாளருமான ஸ்டூடியோ கிரீன் நிறுவனத்தின் கே.ஈ.ஞானவேல்ராஜா விளக்கமளித்துள்ளார்.
கடந்த வருடம் வெளியான படங்களில் குறைந்த முதலீட்டில், தயாரிக்கப்பட்டு பெரும் வெற்றி பெற்ற படம் ‘டார்லிங்′.
கே.ஈ ஞானவேல் ராஜாவின் தயாரிப்பில் வெளிவந்த இப்படத்தின் தலைப்பு இப்போது இன்னொரு படத்தின் வெற்றிக்கு வழி வகுக்க இருக்கிறது.
கலையரசன், புதுமுகம் ரமீஸ் ராஜா, புதுமுகம் மாயா, காளி வெங்கட், அர்ஜுன், ‘முண்டாசுப் பட்டி’ முனீஸ்காந்த், ‘மெட்ராஸ்’ ஜானி, ஆகியோர் நடிப்பில் உருவாகியிருக்கும் இந்தப் படத்துக்கு ‘டார்லிங்-2′ எனப் பெயர் சூட்டப்பட்டு உள்ளது. ‘டார்லிங்’ முதல் பாகத்தை தயாரித்த ஞானவேல் ராஜாவே இந்தப் படத்தையும் வெளியிடுகிறார்.
சதீஷ் சந்திரசேகரின் இயக்கத்தில் உருவாகியிருக்கும் இந்தப் படத்துக்கு முன்பு ‘ஜின்’ எனப் பெயரிடப்பட்டு இருந்தது. இப்போது கதைக்கு பொருத்தமாகவும், கேட்ச்சிங்காவும் இருப்பதால் ‘டார்லிங்-2’ என்று வைக்கப்பட்டுள்ளது.
“இரண்டாம் பாகம் என்பது முதல் பாகத்தின் தொடர்ச்சியாகத்தான் இருக்க வேண்டும் என்பது கட்டாயமில்லை. அதே நடிகரோ, அதே இயக்குநராக இருக்கவும் வேண்டாம். முந்தைய பாகத்தின் கதைக் கருவை ஒட்டிய கதையாக இருக்க வேண்டும். இதுதான் மிக முக்கியம்.
ஐந்து நபர்கள் சுற்றுலா செல்லும்போது, அவர்களுடன் அழையா விருந்தாளியாக வரும் ஒரு ஆவி அவர்களிடையே ஏற்படத்தும் குழப்பத்தை, நகைச்சுவையுடன், காதலும் கலந்து கொடுத்து இருக்கிறார் புதிய இயக்குநர் சதீஷ் சந்திரசேகர். இந்தக் கதைக்கு ‘டார்லிங் 2′ தலைப்பு நன்றாக இருக்கும் என்பதை படம் பார்த்த ஒரு நொடியில் தீர்மானித்தேன்.
அக்டோபர் மாதம் 21-ம் தேதி வெளிவரவுள்ள ‘டார்லிங் 2′ அனைத்து தரப்பு மக்களையும் திருப்தி செய்து வெற்றியடையும் என்பதில் சந்தேகமே இல்லை..” என்கிறார் தயாரிப்பாளர் கே.ஈ.ஞானவேல்ராஜா.
