full screen background image

‘போகன்’ டீஸர்-23 மணி நேரத்தில் 10 லட்சம் பார்வையாளர்கள்

‘போகன்’ டீஸர்-23 மணி நேரத்தில் 10 லட்சம் பார்வையாளர்கள்

நேற்று மாலை வெளியான ஒரு நிமிடம் மட்டுமே ஓடும் ‘போகன்’ படத்தின் டீசர், ரசிகர்கள் மத்தியில் அமோக வரவேற்பை பெற்று வருகிறது.

ஜெயம் ரவி – அரவிந்த் சுவாமி – ஹன்சிகா மோத்வானி ஆகியோர் முன்னணி கதாபாத்திரங்களில் நடித்திருக்கும் ‘போகன்’ படத்தின் டீசர், ரசிகர்களுக்கு ‘வஞ்சிகோட்டை வாலிபன்’ படத்தின் ஜெமினி கணேசன் – பி எஸ் வீரப்பா – பத்மினி ஆகியோரை நினைவுகூர செய்திருக்கிறது  என்பதை உறுதியாகவே சொல்லலாம்.

‘நாம் பார்க்கும் அனைத்தும் பார்ப்பதை போலவே இருக்காது….’ என்ற கருத்தை உணர்த்துகிறது ‘போகன்’ படத்தின் டீசர்.

‘பிரபுதேவா ஸ்டுடியோஸ்’ சார்பில் பிரபுதேவா மற்றும் டாக்டர் கே கணேஷ் இணைந்து தயாரித்து இருக்கும் ‘போகன்’ திரைப்படத்தை இயக்கி இருக்கிறார் ‘ரோமியோ ஜூலியட்’ புகழ் லக்ஷ்மன்.

விறுவிறுப்பாகவும், சுவாரசியமாகவும் உருவாக்கப்பட்டிருக்கும் இந்த டீசருக்கு டி.இமானின் இசையும், சௌந்தர்ராஜனின் ஒளிப்பதிவும், அந்தோணியின் படத் தொகுப்பும் மற்றும் ஸ்டண்ட் மாஸ்டர் திலீப் சுப்பராயனின் சண்டை காட்சிகளும் மேலும் அழகு சேர்த்துள்ளது.

“இந்த பூனை தெரியுமா… முத்து செய்த பெட்டியில்…” என்று ஜெயம் ரவியும் – அரவிந்த் சுவாமியும் போதையில் பாடும் பாட்டோடு நிறைவு பெறும் ‘போகன்’ படத்தின் டீசர், ரசிகர்கள் மத்தியில் ஒரு மர்ம முடிச்சை போட்டிருக்கிறது…!   

“23 மணி நேரத்தில் பத்து லட்சத்திற்கும் அதிகமான பார்வையாளர்களை ‘போகன்’ டீசர் பெற்றிருப்பதில் எங்களுக்கு மகிழ்ச்சிதான். வெற்றி பாதையில்  செல்வதற்கு இதை ஒரு நல்ல துவக்கமாகவே நாங்கள்  கருதுகிறோம். ‘யார் இந்த ‘போகன்’ என்பதை தெரிந்து கொள்ள ரசிகர்கள் அனைவரும் ஆவலோடு காத்து கொண்டிருக்கிறார்கள். அது ஜெயம் ரவியாக இருக்கலாம்; அல்லது அரவிந்த் சுவாமியாக இருக்கலாம்… ஏன் ஹன்சிகாவாகவும் இருக்கலாம்…. ‘போகன்’ யார் என்பதை திரையில் பார்த்து  ரசிகர்கள் அறிந்து கொள்வார்கள்….” என்று உற்சாகத்துடன் கூறுகிறார் இயக்குநர் லக்ஷ்மன்.

 

Our Score