முத்ராஸ் பிலிம் பேக்டரி மற்றும் ஆருத்ரா பிக்சர்ஸ் ஆகிய பட நிறுவனங்கள் சார்பில் தயாரிப்பாளர்கள் பி.ராஜசேகர் மற்றும் ரேஷ்மி சிம்ஹா ஆகியோர் பிரம்மாண்டமான பொருட்செலவில் தயாரிக்கும் புதிய படம் ‘தடை உடை’..!
இந்தப் படத்தில் தேசிய விருது பெற்ற நடிகரான பாபி சிம்ஹா கதையின் நாயகனாக நடிக்கிறார். இவருக்கு ஜோடியாக நடிகை மிஷா நராங் நடிக்கிறார்.
இவர்களுடன் பிரபு, செந்தில், ரோகிணி, சரத் ரவி, தீபக் பரமேஷ் உள்ளிட்ட பலர் நடிக்கிறார்கள்.
டெமல் சேவியர் எட்வர்ட்ஸ் ஒளிப்பதிவு செய்யும் இந்த படத்திற்கு ஆதிஃப் இசை அமைக்கிறார். கவிஞர் வைரமுத்து பாடல்களை எழுத, சண்டைக் காட்சிகளை கணேஷ் அமைக்கிறார். அறிமுக இயக்குநரான என்.எஸ்.ராகேஷ் இந்தப் படத்தை எழுதி, இயக்குகிறார்.
இந்தப் படத்தின் துவக்க விழா நேற்று சென்னையில் கோலாகலமாக நடைபெற்றது.
இந்த பூஜை நிகழ்வில் கவிஞர் வைரமுத்து, தயாரிப்பாளர் ஷிபு தமீன்ஸ் உள்ளிட்ட திரையுலக பிரபலங்களுடன் படக் குழுவினரும் கலந்து கொண்டனர்.
இப்படத்தின் படப்பிடிப்பு மே 5-ம் தேதி முதல் தொடங்கும் என அதிகாரப்பூர்வமாக அறிவிக்கப்பட்டிருக்கிறது.
பாபி சிம்ஹா கதையின் நாயகனாக தயாரித்து நடிப்பதாலும், படத்தின் தலைப்பு ‘தடை உடை’ என எளிய மக்களையும் கவரும் வகையில் அமைந்திருப்பதாலும் இப்படத்திற்கான எதிர்பார்ப்பு, தொடக்க நிலையிலேயே ரசிகர்களிடம் ஏற்பட்டிருக்கிறது.
