தணிக்கை குழுவினர் பெருமிதப்படும் ‘பாகுபலி’ திரைப்படம்

தணிக்கை குழுவினர் பெருமிதப்படும் ‘பாகுபலி’ திரைப்படம்

இந்திய திரைப்பட வரலாற்றில் அதிக செலவில் தயாரிக்கப்பட்டுள்ள பிரம்மாண்டமான திரைப்படம் வெற்றி பட இயக்குனர் எஸ்.எஸ்.ராஜமௌலி இயக்குத்தில் விரைவில் வெளிவரவிருக்கும் ‘பாகுபலி’.

தமிழ், தெலுங்கு, ஹிந்தி ஆகிய மொழிகளில் மிக அதிகமான திரையரங்குகளில் இப்படம் ஜுலை 10-ம் தேதி வெளியாகவுள்ளது.

இப்படத்தை சமீபத்தில் தணிக்கை செய்த தணிக்கை குழுவினர், படத்தின் பிரம்மாண்டத்தையும், மிரள வைக்கும் காட்சியமைப்பையும் பார்த்து வியந்தார்களாம்.

சிறப்பம்சமிக்க ‘பாகுபலி’ படத்தை தணிக்கை செய்ததற்க்கு மிகவும் பெருமிதம் கொள்வதாகவும், ‘பாகுபலி’ பட தணிக்கை சான்றிதழில் தங்களின் பெயர் இடம் பெறுவது தங்களுக்கு மிகவும் பெருமையாக இருப்பதாகவும் கூறியுள்ளனராம்.

இப்படத்தை தமிழகமெங்கும் வெளியிடவுள்ள வெற்றி பட தயாரிப்பாளரான கே.ஈ.ஞானவேல்ராஜாவின் ஸ்டுடியோ கிரின் நிறுவனத்திற்கு இப்படம் ஒரு மைல் கல்லாக அமையும் என்று வாழ்த்தினார்களாம்.

இந்திய அளவில் பெரும் எதிர்பார்ப்பை கிளப்பியிருக்கும் இந்த ‘பாகுபலி’ திரைப்படத்திற்கு, தணிக்கை சான்றிதழ் குழுவினர் அளித்த பாராட்டு அந்த எதிர்பார்ப்பை மேலும் அதிகப்படுத்தியுள்ளது.

Our Score