ராஜ்கமல் ஃபிலிம்ஸ் இண்டர்நேசனல் (RKFI), மற்றும் சோனி பிக்சர்ஸ் இண்டர்நேசனல் ப்ரொடக்ஷன்ஸ் (SPIP) இணைந்து தயாரிக்கும், பெரிதும் எதிர்பார்க்கப்பட்ட #SK21 திரைப்படத்தின் பெயரை, இன்றைக்கு நடிகர் சிவகார்த்திகேயனின் பிறந்த நாளையொட்டி அறிவித்துள்ளார்கள்.
இத்திரைப்படத்தின் பெயர் 16, பிப்ரவரி 2024 அன்று வெளியிடப்பட்ட சுவாரசியமான டீசரின் வழியாக தெரிவிக்கப்பட்டது. இந்தத் திரைப்படத்திற்கு, ‘அமரன்’ என்று பெயர் சூட்டப்பட்டுள்ளது.
இந்தப் படத்தை, உலக நாயகன் கமல்ஹாசன், சோனி பிக்சர்ஸ் இண்டர்நேசனல் ப்ரொடக்ஷன்ஸ் மற்றும் ஆர்,மகேந்திரன் ஆகியோர் தயாரிக்க, இவர்களுடன் இணை-தயாரிப்பாளராக வக்கில் கானின் காட் ப்ளஸ் எண்டர்டெய்ன்மெண்ட் நிறுவனம் இணைந்துள்ளது.
இந்தப் படத்தை எழுதி இயக்குபவர் இயக்குநர் ராஜ்குமார் பெரியசாமி. மேஜர் முகுந்த் வரதராஜனின் நிஜ வாழ்க்கை சம்பவங்கள் மற்றும் ராஹுல் சிங் ஷிவ் அரூர் எழுதிய ‘இந்தியாஸ் மோஸ்ட் ஃபியர்லெஸ்’ தொடரிலிருந்து ஒரு அத்தியாயம் ஆகியவற்றின் அடிப்படையில் இந்தப் படத்தின் கதை அமைந்துள்ளது.
இந்தப் படத்தினை எழுதி, இயக்கும் இயக்குநர் ராஜ்குமார் பெரியசாமி, நீண்ட நெடிய ஆய்வுகளுக்குப் பிறகு, கவனமாக இந்த ‘அமரன்’ திரைப்படத்தின் கதையை உருவாக்கியிருக்கிறார். இது நிச்சயமாக தமிழ் மற்றும் இந்திய சினிமா வரலாற்றில் ஒரு சாதனையை நிகழ்த்தும்!
தமிழ்த் திரை நட்சத்திரமான சிவகார்த்திகேயன், நிஜ வாழ்வின் நாயகனான ஒருவரின், தனித்துவமிக்க கதாபாத்திரத்தை ஏற்று, அட்டகாசமான நடிப்பை வழங்கியிருக்கிறார். மேலும், மிகுந்த திறமைசாலியான சாய் பல்லவியுடன் அவர் இணைந்து நடித்திருக்கிறார். சாய் பல்லவி, இந்தப் படத்திற்கு இன்னொரு புதிய பரிமாணத்தை அளித்திருக்கிறார்.
இந்த ‘அமரன்’ திரைப்படத்தில் மிகச் சிறந்த தொழில் நுட்பக் கலைஞர்களின் பங்களிப்பும் கலந்துள்ளது.
இசையமைப்பாளர் ஜி.வி.பிரகாஷ், தயாரிப்பு வடிவமைப்பாளர் ராஜீவன், ஒளிப்பதிவாளர் சி.ஹெச்.சாய், படத் தொகுப்பாளர் ஆர்.கலைவாணன், சண்டைக் காட்சி இயக்குநர் ஸ்டீஃபன் ரிச்டர், உடை வடிவமைப்பாளர்கள் அம்ரிதா ராம் மற்றும் சமீரா சனீஷ் ஆகியோர் இந்த தொழில் நுட்பக் குழுவில் இடம் பெற்றுள்ளார்கள்.
சோனி பிக்சர்ஸ் இண்டர்நேசனல் ப்ரொடக்ஷன்ஸ் நிறுவனம் தெலுகு திரையுலகில் தங்கள் முதல் தயாரிப்பான ‘மேஜர்’ திரைப்படம் மூலம் மிகுந்த புகழ் பெற்றவர்கள். இப்போது இந்த ‘அமரன்’ திரைப்படத்தின் மூலமாக தமிழ்த் திரையுலகில் நுழைகிறார்கள்.
RKFI நிறுவனத்தின் 50-வது படமான ‘விக்ரம்’ 2022-ஆம் ஆண்டு, திரையுலகில் சூறாவளியாக நுழைந்து, மாபெரும் வெற்றி பெற்றதைத் தொடர்ந்து, அவர்களின் 51-வது முயற்சியான இந்த ‘அமரன்’ திரைப்படமும் வெற்றிகரமானதாக அமையும் என்று எதிர்பார்க்கப்படுகிறது.
சண்டைக் காட்சிகளும், உணர்வுபூர்வமான காட்சிகளும் மிகச் சரியான கலவையாக அமைந்திருக்கும் ‘அமரன்’ திரைப்படம் பற்றிய அடுத்த அறிவிப்புகளுக்குக் காத்திருங்கள்.
தற்போது இறுதிக் கட்ட படப்பிடிப்பில் இருக்கும் இந்தப் படம், 2024-ஆம் ஆண்டின் கோடை காலத்தில் உலகெங்கும் உள்ள திரையரங்குகளில் வெளியாகும்.
இந்த ‘அமரன்’ திரைப்படம் இந்தியாவையும் அதன் கதாநாயகர்களையும் கொண்டாடும்விதமாக அமைந்து, உலகெங்கும் உள்ள சினிமா ரசிகர்களுக்கு விருந்தாக அமையும் என்பதில் சந்தேகமே இல்லை.
