‘ஜவான்’ படத்தின் மாபெரும் வெற்றிக்குப் பிறகு, மிகுந்த எதிர்பார்ப்பிலிருக்கும் ஷாருக்கானின் ‘டங்கி’ படத்தின் கேரளா மற்றும் தமிழ்நாட்டு விநியோக உரிமையை ஸ்ரீகோகுலம் மூவிஸ் பெற்றுள்ளது.
ரெட் சில்லிஸ் என்டர்டெயின்மென்ட் மற்றும் ஜியோ ஸ்டுடியோஸ் ஆகிய நிறுவனங்கள் சார்பில் ராஜ்குமார் ஹிரானி, கௌரி கான் மற்றும் ஜோதி தேஷ்பாண்டே ஆகியோர் இணைந்து இப்படத்தை தயாரித்துள்ளனர்.
அபிஜத் ஜோஷி மற்றும் கனிகா தில்லானுடன் இணைந்து ராஜ்குமார் ஹிரானி வசனம் எழுதியுள்ளார்.
இப்படத்திற்கு அமன் பந்த் பின்னணி இசையமைத்துள்ளார் மற்றும் ப்ரீதம் பாடல்களுக்கு இசையமைத்துள்ளார்.
CK.முரளிதரன், மனுஷ் நந்தன், அமித் ராய் ஆகியோர் இப்படத்தின் ஒளிப்பதிவு செய்துள்ளனர்.
2023-வது வருடம், ஷாருக்கானின் பிரமாண்டமான கம்பேக் வருடமாக அமைந்துள்ளது.
ஜனவரியில் ‘பதான்’, செப்டம்பரில் ‘ஜவான்’, தற்போது டிசம்பரில் ‘டங்கி’.
இந்த ‘டங்கி’ படத்தில் ஷாருக்கான் அனைவரையும் மயக்கும் அட்டகாசமான கதாபாத்திரத்தில் நடித்துள்ளார்.
பூமன் இரானி, டாப்ஸி பண்ணு, விக்கி கௌஷல், விக்ரம் கோச்சார் மற்றும் அனில் குரோவர் போன்ற பாலிவுட் திறமைகள் இணைந்துள்ள இந்த ‘டங்கி’ இதயம் வருடும் அழகான படமாக இருக்கும் என்பதை படத்தின் பாடல்கள் சுட்டிக் காட்டுகின்றன.
மும்பை, ஜபல்பூர், காஷ்மீர், புடாபெஸ்ட், லண்டன், ஜெட்டா மற்றும் நியோம் என உலகின் பல இடங்களில் இப்படம் படமாக்கப்பட்டுள்ளது.
இப்படம் வரும் டிசம்பர் 21-ம் தேதி, திரையரங்குகளில் வெளியாகிறது.
இந்த ‘டங்கி’ படத்தின் கேரளா மற்றும் தமிழ்நாட்டு விநியோக உரிமையை ஸ்ரீகோகுலம் மூவிஸ் பெற்றுள்ளது.
ஏற்கெனவே ‘ஜவான்’ படத்தையும் கேரளா மற்றும் தமிழ்நாட்டில் ஸ்ரீகோகுலம் மூவிஸ் நிறுவனம்தான் விநியோகம் செய்திருந்தது.
ட்ரீம் பிக் பிலிம்ஸ் நிறுவனம் கேரளா மற்றும் தமிழ்நாட்டில் ‘டங்கி’ படத்தின் விநியோக பங்குதாரராக இணைந்துள்ளது.
