full screen background image

VPF கட்டணம் 3000 ரூபாயாகக் குறைப்பு – தயாரிப்பாளர் சங்கத் தலைவர் முரளி ராமசாமி தகவல்..!

VPF கட்டணம் 3000 ரூபாயாகக் குறைப்பு – தயாரிப்பாளர் சங்கத் தலைவர் முரளி ராமசாமி தகவல்..!

புதிய திரைப்படங்களை தியேட்டர்களில் வெளியிட வசூலிக்கப்படும் திரையிடல் கட்டணம் 3000 ரூபாயாகக் குறைக்கப்பட்டிருப்பதாக தமிழ்த் திரைப்பட தயாரிப்பாளர்கள் சங்கத்தின் தலைவரான முரளி ராமசாமி தெரிவித்துள்ளார்.

இன்று காலை சென்னையில் நடைபெற்ற ‘மாயத்திரை’ படத்தின் இசை வெளியீட்டு விழாவில் அவர் இதனை தெரிவித்தார்.

அவர் பேசும்போது, “இதுநாள்வரையிலும் தமிழக அரசின் பொறுப்பில் இருந்த தமிழ்த் திரைப்பட தயாரிப்பாளர்கள் சங்கத்தின் நி்ர்வாகம் நேற்றைக்குத்தான் முறைப்படி எங்களிடம் ஒப்படைக்கப்பட்டது. நாங்களும் நேற்றுதான் அனைத்துப் பொறுப்புக்களையும் பெற்றுக் கொண்டோம்.

இப்படி முறைப்படியான பொறுப்புக்கு வந்த பிறகு நாங்கள் கலந்து கொள்ளும் முதல் திரைப்பட நிகழ்ச்சி இதுதான்.

இந்த வாரத்தில் வி.பி.எஃப். கட்டணம் தொடர்பாக கியூப் நிறுவனத்துடன் பல கட்டமாகப் பேச்சுவார்த்தை நடத்தியிருக்கிறோம். அதன் விளைவாக தற்போது தியேட்டர்களில் படத்தை வெளியிட ஆகும் திரையிடல் கட்டணம் மூவாயிரம் ரூபாயாகக் குறைக்கப்பட்டுள்ளது.

இது எங்களது தயாரிப்பாளர்கள் சங்கத்தின் சார்பில் நாங்கள் நடத்திய பேச்சுவார்த்தையின் விளைவுதான். விரைவில் முழுமையாக இந்தக் கட்டணத்தில் இருந்து விடுபடுவதற்கான வேலைகளை சங்கம் செய்யும்..” என்றார்.

 
Our Score