ஜெயம் ரவி, ஹன்சிகா நடித்து அமோக வெற்றி பெற்ற ரோமியோ ஜூலியட் படத்தை தயாரித்த மெட்ராஸ் எண்டர்பிரைசஸ் எஸ் நந்தகோபால் தற்போது கணேஷ் விநாயக் இயக்கத்தில் ‘வீர சிவாஜி’ படத்தை அதிக பொருட்செலவில் தயாரித்துக் கொண்டிருக்கிறார்.
இந்த வீர சிவாஜி படத்தில் நாயகனாக விக்ரம் பிரபு நடிக்கிறார், நாயகியாக ஷாமிலி நடிக்கிறார். மற்றும் ஜான் விஜய், ரோபோ சங்கர், யோகி பாபு, நான் கடவுள் ராஜேந்திரன், மனிஷாஸ்ரீ, வினோதினி, ஸ்ரீரஞ்சனி, இயக்குநர் மாரிமுத்து, சாதன்யா, குட்டி ஆகியோரும் நடிக்கிறார்கள்.
ஒளிப்பதிவு – எம்.சுகுமார், இசை – D.இமான், எடிட்டிங் – ரூபன், வசனம் -ஞானகிரி, சசி பாலா, பாடல்கள் – யுகபாரதி, கபிலன், ரோகேஷ், கலை -லால்குடி இளையராஜா, நடனம் – தினேஷ், சண்டை பயிற்சி – திலீப் சுப்பராயன், கதை, திரைக்கதை, இயக்கம் – கணேஷ் விநாயக், தயாரிப்பு -எஸ்.நந்தகோபால்.
‘வீர சிவாஜி’ படத்திற்கு இமான் இசையில்.. பாடலாசிரியர் ரோகேஷ் எழுதிய சிம்பு பாடிய ‘தாறுமாறு தக்காளி சோறு என் ஆள பாரு பப்பாளி தோலு’ என்ற பாடல் சமீபத்தில் பதிவாகியது.
இந்தப் பாடலின் படிப்பிடிப்பு ரஷ்யாவில் உள்ள ஜார்ஜியாவில் நடன இயக்குநரான தினேஷின் நடன அமைப்பில் படமாக்கப்படுகிறது. வரும் ஜூன் 1-ம் தேதி முதல் அந்தப் படப்பிடிப்பு நடைபெற உள்ளது.
இது தவிர படத்தின் அனைத்து கட்ட வேலைகளும் முடிவடையும் நிலையில் உள்ளது. விரைவில் இசை வெளியீட்டு விழா நடைபெற உள்ளதாக பட குழுவினர் தெரிவித்தனர்.