full screen background image

நடிகர் ஜீவாவின் ‘வரலாறு முக்கியம்’ படத்தின் பாடல்கள் வெளியீடு..!

நடிகர் ஜீவாவின் ‘வரலாறு முக்கியம்’ படத்தின் பாடல்கள் வெளியீடு..!

நடிகர் ஜீவாவின் வரலாறு முக்கியம்’ படத்திலிருந்து ஷான் ரஹ்மான் இசையமைத்து பாடியுள்ள இரண்டாவது சிங்கிள் டிராக்கான ‘மல்லு கேர்ள்’ பாடல் தற்போது வெளியாகி, பரபரப்பான வெற்றியைப் பெற்றுள்ளது.

சூப்பர் குட் பிலிம்ஸ் நிறுவனத்தின் தயாரிப்பாளரான ஆர்.பி.சௌத்ரியின் தயாரிப்பில், இயக்குநர் சந்தோஷ் ராஜன் இயக்கியுள்ள இந்த வரலாறு முக்கியம்’ படத்தில், ஜீவா மற்றும் காஷ்மீரா பரதேசி ஆகியோர் முதன்மை கதாபாத்திரங்களில் நடித்துள்ளனர்.

மேலும் பிரக்யா நாக்ரா, V.T.V.கணேஷ், K.S.ரவிக்குமார், மொட்ட ராஜேந்திரன், ஷாரா சரண்யா, சித்திக் மற்றும் பல நடிகர்கள் இணைந்து நடித்துள்ளனர்.

சக்தி சரவணன் (ஒளிப்பதிவு), ஸ்ரீகாந்த் N.B. (படத் தொகுப்பு), மோகன் (கலை இயக்கம்), சக்தி சரவணன் (ஸ்டண்ட்ஸ்), பிருந்தா (நடன இயக்கம்), மற்றும் சுரேஷ் சந்திரா-ரேகா D’One (பத்திரிகை தொடர்பு ) பணிகளை செய்துள்ளனர்.

அனைத்து வகை ரசிகர்களுக்கும் மிகவும் பிடித்தமான நடிகர் ஜீவா, தனது திரைப்படங்களின் மூலம் ரசிகர்களுக்கு  சிறந்த பொழுதுபோக்கை தருவதில் எப்போதும் தவறியதில்லை.

அவரது முந்தைய படங்களைப் போலவே, அடுத்ததாக அவரது நடிப்பில் வரவிருக்கும் இந்த ‘வரலாறு முக்கியம்’ படத்தின் மீதும், ரசிகர்களின் எதிர்பார்ப்பு மிக அதிகமாக இருக்கிறது.

இப்படத்திலிருந்து வெளியான  முதல் சிங்கிள் பாடலான பொத்தி பொத்தி வளத்த புள்ள’ பாடல், படம் 100% குடும்பங்கள் கொண்டாடும்  பொழுதுபோக்கு திரைப்படம் என்பதை உறுதிப்படுத்துவதாக இருந்தது.

தற்போது  இரண்டாவது சிங்கிளான ‘மல்லு கேர்ள்’ பாடல், இந்த நம்பிக்கையை மேலும் வலுப்படுத்தியுள்ளது.

இசையமைப்பாளர் ஷான் ரஹ்மான் தென்னிந்திய இசைத் துறையின் முன்னணி இசையமைப்பாளர்களில் ஒருவர், குறிப்பாக அவரது சார்ட் பஸ்டர் ஹிட்டான ‘ஜிமிக்கி கம்மல்’ ஒரே இரவில் வரலாறு காணாத  வெற்றியடைந்தது.

பெப்பியான இசை மற்றும் ஆற்றல்மிகு குரலுக்காக அவர் பரவலான  பாராட்டுக்களை பெற்றுள்ளார். அதிரா A.நாயரின் அட்டகாச குரலுடன்  இணைந்து அவர் பாடியுள்ள இப்பாடல் பெரும் வசீகரமாக அமைந்துள்ளது.

இம்மாதிரி பெப்பி பாடல்களில் ஜீவாவின் நடனம்  மேலும் அழகானதாக இருக்கும். ஆகவே இப்பாடலின் விஷுவலை காண ரசிகர்கள் இப்போதே ஆவலுடன் காத்திருக்க ஆரம்பித்து விட்டனர்.

Our Score