ட்விட்டர் தளத்தில் வழக்கமாக நடைபெறும் ஹேஷ்டேக் போட்டிகளில் Valimai திரைப்படம் சாதனை புரிந்துள்ளது.
இன்று சமூக வலைத் தளங்களில் ஹேஷ்டேக் தினம் கொண்டாடப்பட்டு வருகிறது. இதனை முன்னிட்டு ட்விட்டர் தளம் கடந்த ஜனவரி 1-ம் தேதி முதல் ஜூன் 30-ம் தேதி வரையில் அதிகமாக ட்வீட் செய்யப்பட்ட ஹேஷ்டேகுகளின் பட்டியலை வெளியிட்டுள்ளது.
இந்தப் பட்டியலில் Valimai ஹேஷ்டேக் முதல் இடத்தைப் பிடித்துள்ளது. 2-வது இடத்தை Master ஹேஷ்டேக் பிடித்துள்ளது.
மேலும், SarkaruVaariPaata, AjithKumar, Thalapathy65, iheartawards, rubinadilaik, bts, Covind19 மற்றும் Vakeelsaab ஆகிய ஹேஷ்டேகுகள் வரிசைப்படியாக இடம் பிடித்துள்ளன. இந்தப் பட்டியலில் முதல் 10 இடங்களில் 6 இடங்களை சினிமா துறையே பெற்றிருக்கிறது என்பது குறிப்பிடத்தக்கது.
இதில் அஜித் மற்றும் விஜய் சம்பந்தப்பட்ட 2 ஹேஷ்டேகுகள் இடம் பெற்றுள்ளன. அஜீத்குமார் மற்றும் வலிமை ஆகியவை அஜீத் தரப்பிற்கும், ‘மாஸ்டர்’, ‘Thalapathy65’ என்று இரண்டு ஹேஸ்டேகுகள் விஜய் தரப்பிற்கும் கிடைத்துள்ளது.
இப்போது இந்த இடங்களை வைத்து அஜித் – விஜய் ரசிகர்களுக்கு இடையே சண்டையும் துவங்கிவிட்டது.
“நாங்கள்தான் எப்போதும் கிங்” என்று அஜீத் ரசிகர்கள் சொல்ல.. இதற்கு விஜய் தரப்பினர் கமெண்ட் செய்ய.. இந்த மோசமான ரசிகர் மன்ற மோதலில் டிவீட்டர் உலகமே திணறிக் கொண்டிருக்கிறது.
