எட்டு எபிசோடுகள் அடங்கிய இந்தத் தொடரில், அபிஷேக் குமார்(Abishek Kumar,) சேத்தன் கடம்பி(Chetan Kadambi), தேவதர்ஷினி(Devadarshini), நியாதி (Niyathi), ஆனந்த்சாமி(Anand Sami) மற்றும் பால் ராஜ் ஆகிய தலை சிறந்த நடிகர்கள் நடித்துள்ளனர்.
எழுத்தாளர் பாலகுமாரன் முருகேசன்(Balakumaran Murugesan) எழுத்தில், நாகா (Naga), இயக்கத்தில் உருவான இந்த ‘தலைவெட்டியான் பாளையம்’ தமிழ் ஒரிஜினல் தொடரை, தி வைரல் ஃபீவர் (TVF) நிறுவனம் தயாரித்திருக்கிறது.
இத்தொடர் தமிழ்நாட்டின் கிராமப்புற வாழ்க்கையை மீண்டும் உயிர் பெற்று எழச் செய்து அதன் ஒரு கண்ணோட்டத்தை மனதைக் கவரும் வகையில் உருவாகியிருக்கிறது.
தன் மனதுக்கு மிகவும் பிடித்த வசதியான சூழலை விட்டுச் செல்ல மனமில்லாத, சென்னையைச் சேர்ந்த பொறியியல் பட்டதாரியான சித்தார்த்(அபிஷேக் குமார்) வேறு வழியின்றி தொலைதூரத்திலுள்ள கிராமமான தலைவெட்டியான் பாளையத்தில் பஞ்சாயத்து அலுவலகத்தில் செயலாளர் பணியில் சேர்வதிலிருந்து துவங்குகிறது இந்த நகைச்சுவை இணையத் தொடர்,
அந்த வித்தியாசமான கிராமப்புற வாழ்க்கை மற்றும் அதன் கிராமவாசிகளின் வழக்கத்திற்கு மாறான நடவடிக்கையால் சித்தார்த் பெரிதும் பாதிக்கப்படுகிறார். இதனால் ஏற்படும சுவராசியமான திடீர் திருப்பங்களை நகைச்சுவையோடு சொல்லியிருக்கிறார்களாம்.
வரும் செப்டம்பர் 20-ம் தேதி அன்று இந்தியா மற்றும், உலகம் முழுவதும் 240-க்கும் அதிகமான நாடுகள் மற்றும் பிராந்தியங்களில் இந்தத் ‘தலைவெட்டியான் பாளையம்’ தொடர், பிரைம் வீடியோவில் பிரத்தியேகமாக ஆங்கில சப் டைட்டில்களுடன் தமிழில் திரையிடப்படவிருக்கிறது.
