டப்பிங் யூனியனில் எஸ்.பி.பி. பெயரில் டப்பிங் ஸ்டூடியோ அமைக்கப்பட்டது.

டப்பிங் யூனியனில் எஸ்.பி.பி. பெயரில் டப்பிங் ஸ்டூடியோ அமைக்கப்பட்டது.

சௌத் இண்டியன் சினி டிவி ஆர்டிஸ்ட்ஸ் அண்டு டப்பிங் ஆர்டிஸ்ட்ஸ் யூனியனில் மறைந்த பின்னணி பாடகர் எஸ்.பி.பாலசுப்ரமணியத்தின் நினைவாக "எஸ்பிபி ஸ்டூடியோ" என்ற பெயரில் புதிய டப்பிங் ஸ்டூடியோவை அமைத்துள்ளார்கள்.

இந்த டப்பிங் தியேட்டரை சங்கத்தின் தலைவரான ராதாரவி சங்கத்தின் பிற நிர்வாகிகள், செயற்குழு உறுப்பினர்கள் முன்னிலையில் இன்று திறந்து வைத்தார்.

சென்ற மாதம் திரு.எஸ்.பி.பாலசுப்ரமணியம் அவர்களின் மறைவிற்கு இரங்கல் அஞ்சலி செலுத்தியபோது ,அவரது நினைவாக டப்பிங் ஸ்டூடியோ நிறுவப்படும் என்று டப்பிங் யூனியன் தலைவர் ராதாரவி கூறியிருந்தார். சொன்னது போலவே இன்றைக்கு அந்த ஸ்டூடியோ திறக்கப்பட்டுள்ளது என்பது குறிப்பிடத்தக்கது.

எஸ்.பி.பாலசுப்ரமணியம் அவர்களுக்கு மரியாதை செலுத்தும் வகையில் இந்த ஸ்டூடியோவினை அமைத்திருப்பது தங்களுக்கு மிகவும் பெருமையாகவும், மகிழ்ச்சியாகவும் உள்ளதாக டப்பிங் யூனியனின் உறுப்பினர்கள் கண்ணீர் மல்க தெரிவித்தனர்.