உதயநிதி ஸ்டாலின் வாங்கி வெளியிடும் ‘ஒரு குப்பை கதை’ திரைப்படம்

உதயநிதி ஸ்டாலின் வாங்கி வெளியிடும் ‘ஒரு குப்பை கதை’ திரைப்படம்

ஃபிலிம் பாக்ஸ் நிறுவனம் சார்பாக பாகன் பட  இயக்குநர் அஸ்லம், என் அரவிந்தன், ராமதாஸ்  ஆகியோர் இணைந்து தயாரித்துள்ள படம் ‘ஒரு குப்பை கதை’.

கோடம்பாக்கத்தில் கோலோச்சும் ஒரு சில  நடன இயக்குநர்களில் முதல் வரிசையில் நிற்கும் நடன இயக்குநரான தினேஷ் இந்தப் படத்தில் கதையின் நாயகனாக நடித்துள்ளார். தினேஷ் எல்லா முன்னணி கதாநாயகர்களுக்கும் மிகப் பிடித்தமான நடன இயக்குநர்.  தேசிய விருது உட்பட பல விருதுகளைக் குவித்தவர். முதல்முறையாக இந்தப் படம் மூலம் நடிகராக அறிமுகமாகிறார். 

தினேஷூக்கு ஜோடியாக மனீஷா யாதவ்  நடித்துள்ளார். இவர் ‘வழக்கு எண்18/9’, ‘ஆதலால் காதல் செய்வீர்’,  ‘ஜன்னல் ஓரம்’,  ‘திரிஷா இல்லன்னா நயன்தாரா’ ஆகிய திரைப்படங்களில் கதாநாயகியாக நடித்தவர். சுஜோ மேத்யூ, கிரண் ஆர்யன் என்ற இரு புதுமுகங்களும் அறிமுகமாகிறார்கள். யோகி பாபு,  ஜார்ஜ்  படத்தின் மிக முக்கியமான திருப்பமாக வருகிறார்கள்.  ஆதிரா அம்மாவாக  நடித்துள்ளார்.

Dhinesh Master & Maisha Yadav (3)

மகேஷ் முத்துச்சாமி ஒளிப்பதிவிலும்,  நா.முத்துக்குமாரின் பாடல் வரிகளிலும்,  ஜோஸ்வா ஸ்ரீதரின் இசையிலும்,  கோபிகிருஷ்ணாவின் படத் தொகுப்பிலும் இந்த ‘ஒரு குப்பை கதை’ திரைப்படம் உருவாகியிருக்கிறது. அறிமுக இயக்குநரான காளி ரங்கசாமி படத்தினை இயக்கியுள்ளார். இவர் இயக்குநர் எழிலிடம் உதவி இயக்குநராகவும், ‘பாகன்’ படத்தில் அஸ்லமிடம் இணை இயக்குநராகவும் பணிபுரிந்தவர்.

ஆரம்பத்தில் என்ன குப்பை கதையா? என  தலைப்பை கேட்டு முகம் சுழித்தவர்கள் பின்னர் காது கொடுத்துக் கதையைக் கேட்டவுடன் இந்த தலைப்பே சரி என்று சர்டிஃபிகேட்டும் கொடுத்துள்ளனர்.

அது மட்டுமல்ல, படத்தை பார்த்த திரையுலக பிரபலம் ஒருவர் படத்தினை வியந்து பாராட்டி படத்தினை வாங்கி வெளியிடவும் சம்மதம் சொல்லியுள்ளார். ஜாக்பாட் அடித்த மகிழ்ச்சியில் இருக்கிறார் தயாரிப்பாளர் அஸ்லம்.

இது குறித்து தயாரிப்பாளர் அஸ்லமிடம் கேட்டபோது,  “படம் தயாராக உள்ளது, நீங்க பார்க்க முடியுமா..?’ என்று ‘மைனா’வை தனது ஒரே வார்த்தையின் மூலம் உலகம் முழுக்க பார்க்க வைத்த உதயநிதி ஸ்டாலினிடம் கேட்டேன்.

Dhinesh Master & Maisha Yadav (1)

நல்ல படங்களின் மேல் அக்கறையுள்ள அவர், சமீபமாக தனது படம் தவிர வேறெந்த படத்திலும் கவனம் செலுத்தாமல் இருந்தார். எங்கே  நம்ம படத்தை பார்க்கப் போகிறார் என  நினைத்தேன். ஆனால், உடனடியாக நேரம் ஒதுக்கி  படம் பார்த்தவர்,  படக் குழுவினரை பெரிதும் பாராட்டினார். 

‘இந்தப் படம் அடித்தட்டு மக்களின் பிரச்சனையைப் பேசுகிறது. இக்காலகட்டத்தில் இது போன்ற படம் அவசியம்’ எனக் குறிப்பிட்டவர்,  டான்ஸ் மாஸ்டர் தினேஷூக்குள் ஒரு மிகச் சிறந்த நடிகன் ஒளிந்திருப்பதை, தான்  படம் பார்த்தபோது உணர்ந்ததாக மனம் திறந்து பாராட்டினார்.

அவரே தன்னுடைய நிறுவனமான ரெட் ஜெயண்ட் மூவிஸ் சார்பில் எங்களுடைய ‘ஒரு குப்பை கதை’ படத்தை வெளியிட சம்மதமும் தெரிவித்துள்ளார். ஒரு தரமான படத்தைத் தயாரித்ததற்காக என்னையும், இயக்குநரையும்  வெகுவாகப் பாராட்டினார் உதயநிதி ஸ்டாலின்…” என்கிறார் தயாரிப்பாளர் அஸ்லம்.

Our Score