‘சர்தார்’, ‘லப்பர் பந்து’ உள்ளிட்ட பல வெற்றிப் படங்களை கொடுத்த பிரின்ஸ் பிக்சர்ஸ் S.லஷ்மன்குமார், மேவரிக் மூவிஸ் நிறுவனத்துடன் இணைந்து மிகப் பெரிய பட்ஜெட்டில் தயாரித்துள்ள ‘மிஸ்டர் எக்ஸ்’ (Mr X) திரைப்படம் வரும் ஏப்-17ஆம் தேதி திரையரங்குகளில் வெளியாகிறது.
ஆர்யா கதாநாயகனாக நடிக்க, கவுதம் கார்த்திக், சரத்குமார், மஞ்சு வாரியர் ஆகியோர் முக்கிய வேடங்களில் நடித்துள்ளனர்.
இவர்களுடன், அனகா, அதுல்யா ரவி, ரைசா வில்சன், காளி வெங்கட் மற்றும் ஜெயப்ரகாஷ் உள்ளிட்ட மற்றும் பலரும் நடித்துள்ளனர்.
‘எப்.ஐ.ஆர்.’ படத்தை இயக்கிய மனு ஆனந்த், இந்தப் படத்தின் கதையை எழுதி, இயக்கியுள்ளார்.
‘கனா’, ‘நெஞ்சுக்கு நீதி’ படங்களுக்கு இசையமைத்த திபு நிபுணன் தாமஸ் இப்படத்திற்கு இசையமைத்துள்ளார்.
ஆக்சன் திரில்லராக உருவாகியுள்ள இப்படத்தின் அதிரடி சண்டைக் காட்சிகள் இந்தியாவில் ராஜஸ்தான், தூத்துக்குடி, குலுமணாலி, மும்பை, பாண்டிச்சேரி போன்ற இடங்களிலும் மற்றும் இப்படத்தின் வேறு சில முக்கிய காட்சிகள் அசர்பைஜான் நாட்டிலும் படமாக்கப்பட்டுள்ளன.
பிரின்ஸ் பிக்சர்ஸ் நிறுவனத்துடன் ஏ.வெங்கடேஷ் இந்தப் படத்தை இணைந்து தயாரித்துள்ளார்.
