Lark Studios சார்பில் K.குமார் தயாரிப்பில், நடிகர் சூரி கதையின் நாயகனாக நடிக்க, ‘விலங்கு’ சீரிஸ் புகழ் இயக்குநர் பிரசாந்த் பாண்டியராஜன் இயக்கத்தில் உருவாகியுள்ள ‘மாமன்’ திரைப்படத்தின், அசத்தலான டிரெய்லர் வெளியாகியுள்ளது.
‘கருடன்’ படத்தின் பிரம்மாண்ட வெற்றிக்குப் பிறகு, Lark Studios தயாரிப்பில், சூரி நடிக்கும் இரண்டாவது திரைப்படம் இதுவென்பது குறிப்பிடத்தக்கது.
சூரி நாயகனாக நடித்துள்ள இப்படத்தில் அவருக்கு ஜோடியாக முன்னணி நடிகை ஐஸ்வர்யா லக்ஷ்மி நடித்துள்ளார். நடிகர் ராஜ்கிரண் மிக முக்கிய கதாப்பாத்திரத்தில் நடித்துள்ளார்.
இவர்களுடன் லப்பர் பந்து புகழ் சுவாசிகா, கீதா கைலாசம், விஜி சந்திரசேகர், நிகிலா சங்கர், பால சரவணன், பாபா பாஸ்கர் மற்றும் குழந்தை நட்சத்திரம் மாஸ்டர் பிரகீத் சிவன் ஆகியோர் இணைந்து நடித்துள்ளனர்.
எழுத்து, இயக்கம் – பிரசாந்த் பாண்டியராஜ், தயாரிப்பு – K.குமார், தயாரிப்பு நிறுவனம் – Lark Studios, கதை – சூரி, இசை – ஹேசம் அப்துல் வஹாப், ஒளிப்பதிவு – தினேஷ் புருஷோத்தமன், கலை இயக்கம் – G.துரைராஜ், படத்தொகுப்பு – கணேஷ் சிவா, சண்டைப் பயிற்சி – மகேஷ் மேத்யூ, பத்திரிக்கை தொடர்பு – யுவராஜ்.
இந்த டிரெய்லர், குடும்ப உறவுகளின் அன்பை, சிக்கல்களை, உறவுகளின் பெருமையை நெஞ்சம் இளக சொல்கிறது. இந்த அழகான டிரெய்லரில் தாய் மாமனாக சூரி, பாசத்தை, ஏக்கக்தை, வெளிப்படுத்தும் கதாப்பாத்திரத்தில் அசத்தியிருக்கிறார்.
அவரின் நடிப்புத் திறமையின் மற்றொரு முகத்தை, பதிவு செய்யும் படமாக இப்படம் இருக்கும் என்பதை இந்த டிரெய்லர் உறுதி செய்கிறது.
குடும்பங்கள் கொண்டாடும் அனைத்து அம்சங்களும் நிறைந்திருக்கும் டிரெய்லர், ரசிகர்களிடம் பெரும் வரவேற்பைக் குவித்து வருகிறது.
ரசிகர்கள் மத்தியில் பெரும் எதிர்பார்ப்பை, ஏற்படுத்தியுள்ள இப்படம், வரும் மே மாதம் 16-ம் தேதி உலகமெங்கும் திரையரங்குகளில் வெளியாகிறது.
