வர்ணாலயா சினி கிரியேஷன்ஸ் சார்பில் ஃபேவின்ஸ் பால் தயாரிப்பில், இயக்குநர் பிரபுராம்.செ இயக்கத்தில், மஹத் ராகவேந்திரா, ஐஸ்வர்யா தத்தா முதன்மை கதாபாத்திரத்தில் நடித்திருக்கும் ரொமாண்டிக் காமெடி படம் ‘கெட்டவன்னு பேர் எடுத்த நல்லவன்டா’.
இந்தப் படத்தில் மஹத் ராகவேந்திரா, ஐஸ்வர்யா தத்தா, சாக்ஷி அகர்வால், யோகிபாபு, மொட்ட ராஜேந்திரன், நிழல்கள் ரவி, ஆதித்யா கதிர், தங்கதுரை, கூல் சுரேஷ், மற்றும் பலர் நடித்துள்ளனர்.
தயாரிப்பாளர் – ஃபேவின்ஸ் பால், தயாரிப்பு நிறுவனம் – வர்ணாலயா சினி கிரியேஷன்ஸ், இயக்கம் – பிரபுராம்.செ., ஒளிப்பதிவு – இனியன் ஜே.ஹாரிஸ், படத் தொகுப்பு – பி.பிரவின் பாஸ்கர், பாடல் இசை – தரண் குமார், பின்னணி இசை – கார்த்திக் கிருஷ்ணன், கலை இயக்கம் – கிஷோர், பாடல்கள் – லோகன் கு.கார்த்திக், சண்டை இயக்கம் – ஸ்டன்னர் சாம், நடன இயக்கம் – சசிகுமார், SFX – கண்ணன், பத்திரிக்கை தொடர்பு – சுரேஷ் சந்திரா.
ரொமான்ஸ் காமெடி ஜானரில் நகர்ப்புற பின்னணியில் உருவாக்கப்பட்ட இந்தக் கதை மஹத் மற்றும் ஐஸ்வர்யா தத்தாவின் இணை நடிப்பினால், மேலும் இளமை துள்ளலாக வந்துள்ளது.
வட சென்னையைச் சேர்ந்த ஃப்ரீ வீலிங் சாகசம் செய்யும் இளைஞனாக மஹத் இந்தப் படத்தில் நடித்துள்ளார். இது இந்தக் கதைக்கு கூடுதல் மைலேஜை சேர்த்திருக்கிறது.
படம் ரொமாண்டிக் காமெடி ஜானரில் உருவாகி இருந்தாலும் இதில் சில உணர்ச்சிகரமான தருணங்களும் இருக்கிறது. பணக்கார குடும்பத்தைச் சேர்ந்த பெண்ணாக நடிக்கும் ஐஸ்வர்யா மற்றும் மஹத்தின் ஆன் ஸ்கிரீன் கெமிஸ்ட்ரி நிச்சயம் ரசிகர்கள் மனதைக் கவரும் என்று படக் குழு நம்பிக்கை தெரிவித்துள்ளது. யோகிபாபு மற்றும் மொட்டை ராஜேந்திரனின் காமெடி, இந்தப் படத்தில் நிச்சயம் பேசப்படும்.
இந்தப் படத்தில் வில்லனாக நடித்திருக்கும் புதுமுக நடிகரான ஆதவ் சசியின் சண்டை காட்சிகள் சிறப்பாக வந்துள்ளது. இதனை ‘தங்கலான்’ சண்டை பயிற்சியாளரான ஸ்டன்னர் சாம் செய்துள்ளார்.
பாடல்களுக்கு தரண் குமார் இசையமைத்துள்ளார். பின்னணி இசையை கார்த்திக் கிருஷ்ணன் உருவாக்கியிருக்கிறார். படத்தில் மூன்று பாடல்கள் உள்ளன. யோகிபாபு மற்றும் கரடியின் காதல் பாடல் குழந்தைகளுக்கு பிடித்தமானதாக அமைந்துள்ளது.
மஹத் மற்றும் ஐஸ்வர்யா தத்தா இருவருக்குமான ரொமான்ஸ் பாடல் நித்யஸ்ரீயின் குரலில் தரண் இசையில், கு.கார்த்திக்கின் வரிகளில் அழகாக காட்சிப்படுத்தப்பட்டுள்ளது.
முழுக்க, முழுக்க காமெடி எண்டர்டெயினராக உருவாகியுள்ள இந்தப் படத்தின் ஆடியோ மற்றும் திரையரங்குகளில் வெளியாகும் தேதி விரைவில் அதிகாரப்பூர்வமாக வெளியிடப்படும்.
