full screen background image

வார்னர் பிரதர்ஸ் வெளியிடும் முதல் தமிழ்த் திரைப்படம் ‘கனவு வாரியம்’

வார்னர் பிரதர்ஸ் வெளியிடும் முதல் தமிழ்த் திரைப்படம் ‘கனவு வாரியம்’

இயக்குநர் அருண் சிதம்பரத்தின் ‘கனவு வாரியம்’ திரைப்படத்தை  இந்தியாவில் வார்னர் பிரதர்ஸ் நிறுவனம்  வெளியிடுகிறது.

தமிழகத்தில் நிலவிய மின்வெட்டு பிரச்சனையை மையமாக கொண்டு  டிசிகாப் சினிமாஸ்(DCKAP CINEMAS) தயாரிப்பில் உருவான ஜனரஞ்சகமான  திரைப்படம் ‘கனவு வாரியம்’. 

‘கனவு வாரியம்’ திரைப்படத்தில் ஜியா (அறிமுக கதாநாயகி), இளவரசு, பேராசிரியர் கு.ஞானசம்பந்தன்,  பிளாக் பாண்டி, யோக் ஜெப்பி, செந்தி குமாரி உட்பட பலர் நடித்துள்ளனர்.

இசை – ஷியாம் பெஞ்சமின், ஒளிப்பதிவு – எஸ்.செல்வகுமார், படத் தொகுப்பு – காகின். ‘ஆணழகன்’  டாக்டர் அ.சிதம்பரம்  மற்றும் கார்த்திக் சிதம்பரம் அவர்களும் இணைந்து ‘டிசிகாப் சினிமாஸ்'(DCKAP CINEMAS)  பேனரில் ‘கனவு வாரியம்’ திரைப்படத்தை தயாரித்துள்ளனர்.

Kanavu Variyam Stills_12_Arun Chidambaram _ Jiya

திரைக்கு வரும்  முன்பே 7 சர்வதேச விருதுகளையும், 9 நாடுகளில் இருந்து 15 சர்வதேச அங்கீகாரங்களையும், கௌரவங்களையும் வென்றுள்ளது. உலகப் புகழ் பெற்ற 2 சர்வதேச  ‘ரெமி’ விருதுகளை வென்ற முதல் இந்தியத் திரைப்படம் ‘கனவு வாரியம்’.

‘ரெமி’ விருதை இதற்கு முன் வென்றவர்கள் ‘ஜூராஸிக் பார்க்’  படத்தை இயக்கிய ஸ்டீவன் ஸ்பீல்பெர்க்,  ‘லைப் ஆப் பை’ படத்தை இயக்கிய ஆங் லீ,  ‘கிளேடியேட்டர்’ படத்தை இயக்கிய ரிட்லி ஸ்காட், ‘ஸ்டார் வார்ஸ்’ படத்தை இயக்கிய ஜார்ஜ் லுகாஸ், ‘த காட்பாதர்’ படத்தை இயக்கிய பிரான்சிஸ் போர்ட் கப்பல்லோ. 

இத்திரைப்படத்தின் மூலம் இயக்குநர் அருண் சிதம்பரம், 2 ‘ரெமி’ விருதுகளை வென்ற முதல் இந்திய இயக்குநர் என்ற பெருமையைப் பெற்றுள்ளார்.

இந்தியா முழுவதும் வார்னர் பிரதர்ஸ் வெளியிடும் முதல் தமிழ் மற்றும் தென்னிந்திய திரைப்படம் ‘கனவு வாரியம்’ என்பதும் குறிப்பிடத்தக்கது.

“93 வருட பாரம்பரியம் உள்ள உலகின் புகழ் பெற்ற ஹாலிவுட் ஸ்டூடியோவான வார்னர் பிரதர்ஸ் நிறுவனம் ‘கனவு வாரியம்’ திரைப்படத்தை வெளியிடுவதை எண்ணி ஆசிர்வதிக்கப்பட்டதாய் உணர்கிறோம்.

‘கனவு வாரியம்’ விருதுக்காக எடுக்கப்பட்ட படமல்ல. ஒரு ஜனரஞ்சகமான திரைப்படம்தான். பல சர்வதேச விருதுகளை வென்றுள்ளது. இத்திரைப்படம் காதல், காமெடி, சென்ட்டிமெண்ட் என அனைத்து அம்சங்களும் கொண்ட பொழுதுபோக்கு படமாக உருவாக்கப்பட்டுள்ளது. இது குழந்தைகளுடன் அவசியம் பார்க்க வேண்டிய திரைப்படம். 

வார்னர் பிரதர்ஸ் படத்தை வெளியிடுவதால்  ‘கனவு வாரியம்’ வர்த்தக ரீதியில் மிகப் பெரிய வெற்றியை பெறும் என்று நம்பிக்கையை கொடுத்திருக்கிறது. அதுவும், ‘கனவு வாரியம்’ வார்னர் பிரதர்ஸ் வெளியிடும் முதல் தமிழ் மற்றும் தென்னிந்திய திரைப்படம் என்பதில் மட்டற்ற மகிழ்ச்சி.

இது  ‘கனவு வாரியம்’  படக் குழுவினருக்கும், என் போன்ற வளரும் இளம் இயக்குநர்களுக்கும் உற்சாகத்தையும் உத்வேகத்தையும் தருவதாகும்” என்றார் இயக்குநர் அருண் சிதம்பரம்.

இந்தியாவில் இருக்கும் வார்னர் பிரதர்ஸ் நிறுவனத்தின் நிர்வாக இயக்குனர் டென்சில் டயஸ் இது பற்றி கூறுகையில், “கனவு வாரியம் திரைப்படம் எளிய மக்களின் வாழ்வியலை சுவாரசியமாக பேசும் சமூகத்திற்கான படம் மட்டும் அல்ல… இது நம்பிக்கையை விதைக்கும் படமும்கூட.

உலகின் புகழ் பெற்ற பல்வேறு சர்வதேச திரைப்பட விழாக்களில் பல விருதுகளையும், பாராட்டுக்களையும் வென்ற ‘கனவு வாரியம்’ திரைப்படத்தை இந்தியாவில் வெளியிடுவதில் நாங்கள் பெருமை கொள்கிறோம்” என்றார்.

Our Score